FAKE IT | A KENTIN AU

FI 2

"Hoy! Magsalita ka naman! Mukha na ba akong tanga?" Kanina pa kasi nakatitig si Ken sa kanya at nakaramdam na siya ng ilang.

"Oh! Sorry. Ang ganda mo kasi." Napakamot si Ken sa batok niya. Naramdaman ni Justin ang pag-init ng mukha niya.

"Sheesh! Tara na nga. Baka malate pa tayo." Kinuha na niya ang handbag niya at nauna ng naglakad. "Wait. Ang hoodie ko pala." Sinuot muna niya ang oversized hoodie niya para ikubli ang suot niya pati buhok niya.

Natatawa si Ken na pinapanuod ang kaibigan na nahihirapang isuot ang hoodie niya kaya tinulungan niya ito.

"Ayan! Parang bata." Sabi niya rito nang maisuot na ni Justin ang hoodie.

Buti na lang at may sasakyan si Ken kaya naisalba si Justin sa kahihiyan kung sakaling nagcommute sila.

Pagkarating nila sa bahay ng mga magulang ni Ken ay doon na sila nakaramdam ng kaba.

"'Wag na kaya tayong tumuloy. Kinakabahan ako Ken."

"Ako'ng bahala. Promise." Bumuntong hininga muna si Justin bago lumabas ng kotse. Sumunod na rin si Ken.

"Should we . . . hold hands now?"

Apat na taon na silang makakaibigan pero ni isang beses ay hindi pa nila nahahawakan ang kamay ng isa't isa.

"I think?" Ken slowly reached out for Justin's cold hands and intertwined it to his. He never felt this unexplainable sensation in his body before after touching someone's hand.

"Let's go." Pumasok na sila sa bahay at sinalubong agad sila ng mommy at daddy ni Ken.

"Hello po Tita." Nagmano muna si Justin sa mama ni Ken. "Hello po Tito." At daddy rin niya.

"Ang gandang bata naman nito." Ken's mom chimed in adoration. Ken's dad nods in agreement. "What's your name?"

Patay! Ano pala ang pangalan ko?

"She's Jewel mom." Napalingon agad si Justin kay Ken at ngumiti lang ito sa kanya. Ken lightly squished his hands. He calmed down instantly.

"You have a beautiful name. It suits you. Let's go to the dining room. I know gutom na kayo." Ken's parents ushered them to the dining room.

Magkatabi ang dalawang makaibigan at kaharap nila ang mga magulang ni Ken.

"So how did you two meet? Kailan pa naging kayo? At bakit hindi mo sinasabi sa amin Ken? Kung hindi ka pa namin pinilit hindi mo pa siya ipapakilala sa amin."

"Hon, isa-isa lang. We have all the time."

"Okay. I'm sorry. So?"

Nagkatinginan silang dalawa. Napag-usapan kasi nilang si Ken na lang ang sasagot sa mga tanong.

"Schoolmate po kami. Nakasama ko siya sa isang event dati tapos ayun. Last year ko siya niligawan and . . . 2 months ago sinagot na niya ako."