FAKE IT | A KENTIN AU

FI 18

"Jewel? Akala ko ba break na kayo? Pero bakit—"

"Mom, hindi po siya si Jewel. Siya po si Justin."

"Oh. Magkamukha kasi sila ni Jewel. Ah, siya na ba 'yong kambal ni Jewel?" Nagkatinginan ang magjowa at hindi agad sila nakasagot.

"Mom, may aaminin po ako sainyo. Pero sana 'wag po kayong magalit kay Justin o kay Jewel. Kasalanan ko po ang lahat kaya please sa akin na lang kayo magalit." Kumunot nag noo ng mga magulang ni Ken. Hindi nila maintindihan ang sinasabi ng kanilang anak.

"Ano ba'ng pinagsasabi mo?" Tanong ng mommy niya sa kanya.

"Hindi po totoo si Jewel. Mom, dad I'm sorry. Niloko ko po kayo. Nape-pressure na kasi ako kasi parati niyo akong hinahanapan ng girlfriend kaya ko po 'yon nagawa. Sorry po."

"Ano'ng hindi totoo si Jewel?" Tanong ng daddy niya.

"Ako po si Jewel. I mean . . . nagpanggap po akong babae. Napanggap po kaming magjowa ni Ken." Pag-amin ni Justin. Matapos niyang sabihin 'yon ay yumuko agad siya dahil sa hiya.

"Pero dad, mom, ako po ang may pakana ng lahat nang 'yon. Please 'wag po kayong magalit kay Justin." Depensa ni Ken sa jowa niya.

"Pumayag din naman ako. Bakit mo ba inaako lahat? Please po, 'wag niyo po sanang itakwil si Ken. Magalit po kayo pero sana mapatawad niyo rin po siya."

"Totoo pala talaga." Napahilot ng sintido niya ang mommy ni Ken. Naguguluhan naman ang dalawa sa kung ano ang ibig sabihin nito.

"Paulo's friend . . . uhm what's her name again?" Tanong ng daddy ni Ken.

"Bea" Sagot ng kanyang asawa.

"Yeah. Bea. Sinabi niya sa amin na hindi totoo si Jewel at wala ka raw talagang girlfriend. Na kaibigan mo lang daw 'yong nagpapanggap na Jewel. Hindi kami naniwala kasi sa mga nakita namin, naramdaman naming mahal niyo ang isa't isa kaya imposibleng hindi totoo si Jewel."

Ngayon lang nila nalaman na nagsumbong nga pala talaga si Bea sa kanila. But they didn't expect that they would still believe in them that's why they feel guilty even more.

"Sorry po. Ayaw po kasi ni Ken na madisappoint na naman kayo sa kanya kapag sinabi niyang wala siyang girlfriend. Wala na rin kasi siyang time na humanap no'n kaya ako na lang."

"Galing niyo ring umarte ha. Nakuha niyo kami." Sabi ng daddy ni Ken.

"Sa isip namin umaarte lang kami pero 'yong puso na namin ang nagdidikta ng mga galaw namin kaya siguro naramdaman niyo rin talaga. Dad, mom, I'm sorry pero . . . hindi po ako nagsisisi na ginawa namin 'yon dahil kung hindi dahil doon hindi namin mahahanap ang isa't isa." Hinawakan ni Ken ang kamay ni Justin kaya nagkatinginan ang mag-asawa.