تعَسُف الجائِرين
مُنتصف الطريق ،أقفُ هُنا
لا أعرف أين أتجه ،
أاعود إلى ما هرّبتُ منّه أم أكملُ في طريقي الذي لا أطيق ؟؟
أفكارٌ مؤذِية
رُوحٌ مُتعّبة
أماكِن ليستْ أمنة
و حياةٌ يبّاب
ينتابني شعور بأن أهجرْ كُل شيء و اذهبُ بعيداُ
و لكن يبقى السُؤال يَدُور في ذهني ؛
أينَ أتجه؟؟؟
ميرال آل سعد
لتنسون اللايك و التعليق
❀❀❀❀❀❀❀❀❀❀❀❀❀❀❀❀
جاوبتها بنحيب
دينا : تعالي اخذيني تعبت
ردت عليه بخوف
ماجدة: اي يوم اي بنيتي راح اجي بس اهدي ، هاي طالعة للكراج
سديت الخط منهه و اني ابجي بصوت عالي
تقرب عليه كرار يمسح بدموعي
كرار: لا أخيتي لا لتبجين
عمار: تردين احركَ البيت بيهم ، لعيونج اسويها و احركَهم وياه
رديت بأنكسار
دينا: اريد امي
،رفع عمار راسه فوك يتنهد
عمار: مثل ما تردين ، اني اوديج الهه بيدي
دينا: هي راح تجي، هي ما تعوفني
كرار: دكافي راح يوكَف كَلبج
كَعدوا وياي يهدوني و يردون يغيرون رأيي حتى ابقى
بقيت مصرة اروح وياهه
كَمت لميت غراضي ساعات معدودة
دكَ التليفون ، امي انطت خبر انها بالكراج و راح تنتظرني حتى تاخذني مناك
سلمت ع كرار و عمار و طلعت ويه بابا
الي ما فكّ حلكَه بكّلمة ، الي زيد انكساري بدى ع وجهه انهُ بجانب بدرية ، مو جانب بنته .{مو أول كسرة منه ، كَضنه منه هواي }
صعدت وياه بالسيارة وصلني للكراج لكَيت امي كَاعدة ع صفحة وجهه مغندب و عصبية
تقربت عليه بلهفة أريد احضنها
أريد اشكي الهه همي ، غربتي ، وجعي ، سوء اختيارها!
كل أملي انها تغيرت بغيابي ، ووجع كَلبها ،
راح تعبر الي عن حبها و اشتياقها لبنتها
بس صار العكس
وكَفت كَبالي و هي تضربني كف قوي دارت وجهي ، هدمت جميع آمالي بيهه من جديد ، جرتني من أيدي و هي تأنب بيه
ماجدة: هااا شكَلت اني شكَلت؟؟
مو كَتلج بدرية ما راح تستقبلج
مو كَتلج ما تفيدج راح تأذيج ،
نشرت أيدي بقوة
ماجدة؛ حيل وياج
صفنت فترة و اني اشوف ملامح القسوة تعتلي وجهه
رديت بضعف بعد ما انهارت كل حصوني المنيعةأنهارت مقاومتي وسط عصّف ألاحداث معلنة خسارة روحي و تعب نفسيتي
دينا : تعبتتووووني تعبتووووني
اذا ما تردوني المن خلفتوني
المن تعذبون بيه
تقرب بابا عليه يريد يلزمني أبتعدت عنه
دينا: وخررر ماررريدكم ، ما اريد اي واحد منكم
لا أريدك و لا أريدها
دمرتووووووني شتردون بعد
تركتهم و اني اريد اهج منهم
عقل ما بقى براسي ، لحكَتني و هي تجرني بقوة
و تضربني اكثر من كف كَدام العالم ، اخذتني غصب عني و ركبتني بالسيارة و طلعت بيه لبيتنا
ما بيدي شي
سندت راسي جام السيارة
دينا: كل دااعيشه خسارة ، عمري خلصته خسارات و ندم .
بنص الطريق خابر خالي ع امي اسمعه يحاجيها بتهديد
خالد: وووووين انتِ
ماجدة: بطريق جبت دينا
خالد: شعدددددها جايةةةة هاي شعدهااا
مو كَتلها اذا راحت مااااا ترددد
ماجدة: ترى بنتي شنو ما ترد
خالد: انييييي كَلت اذا طلعت تنسسسسى عدهه ام
ماجدة: مو حجي هذا
خالد: شوووووفي ماجدة بنتج بس اشوفها تدخل للبيت اكسر رجليها
ردت عليه بهدوء حتى تمتص غضبه
ماجدة: خطية ، طفلة و مريضة ، ما تفتهم شبعت مرض و قهر
خالد: يطبببببها مرض ، هنه طلقتتتتين برجليها و انهي أمرها اذا طبت للبيت
سد التليفون بوجهه و هي بدت تبجي و تندب حظهه
ماجدة: اوووووف يا ربي شنو هالحظ
شسوي بهاي المصيبة وين اوديها
شلون يا ربي شلوووون
رفعت التليفون و هي تتصل ع خالتي الي انتقلت يمنا قبل فترة قصيرة
ماجدة : الحكَيني خية الحكَيني
_ ها ها شكو شصاير شبيج
قصت الهه امي امر خالي و شنو يريد يسوي
_ خلي يروح جيبيها يمي
ماجدة: بس يعرف بيهه موجودة يعوقها
_ منين يعرف و هو لا يدخل علينا و لا ندخل عليهم
جيبيها بعدين شببببي هذا خال دوبه من دوب الطفلة
ماجدة: حظي خية حظي
_ لا حظ دينا الي خلاها بيناتكم محد بيكم يكَدر يحميها و يوكَف بوجه هذا الطاغي ، شدخله بيهه ، صارف عليهه عايشة عنده ، شو لا يمه و لا بكَربه
خلي يرووووح ، يلا ننتظركم احنا
سدت التليفون و هي تمسح دموعها نزلنا من السيارة
و أخذنا تكسي كَبل لبيت خالتي
الي منتظرين بالباب ، دخلتني بسرعة و سدت الباب
عبالك مهربين مجرم!
امنتني عدهه امي و راحت مرت ٣ ايام رجعت اجتني
ماجدة: خال عقلها وياهه ، نفض الأمة نفض يدور عليها
_ شيريد منها
ماجدة: متحلف يريد يكتلها
نطيت بنصهم اهوبز و اني ميتة خوف بس الساني يلعلع
دينا : خلالي يجي قابل خااايفةةة منه
ماجدة: استري علينا و ولي من وجهي ، عوفينا لا يدور علينا نوب
دينا: و لييييش خايفات منه انتن
اروح لأقرب مركز شرطة و اشتكي عليه شنو صعبة اجرجر عشيرته و عشيرة عشيرته
ردت عليه خالتي بأستهزاء
_ اكَعدي هنا دينا امي لا تطيرين من الجذب
دينا: و الله اشتكي عليه ابهذله تبهذل هسه اطلع و اروح ارفع دعوة شنو قابل صعبة
و اني جذب راس الفرع ما اعرفه وين صاير
تركتني خالتي احجي وحدي اتصلت بأبن خالتي ، يصير من عمر خوالي و كلش قريب عليهم يحترمونه و يسمعون منه
ظل يشرح لخالي طفلة و جان حقي اشوف اهلي و اتعرف عليهم و اعرف ليش عايشة بالمنففففى
شعليك بيهه
خالد: يابة همه كلفوووووني بالموضوع
_ كلفوك غير جبيرهم شو عميتها عمي بدل ما تكحلها
ظل يقنع بخالي و يحجي وياه لحد ما وصلوا لقرار
خالد: شوف تكَلها ترجع لبيت امها و ما تطلع منه بعد لا تليفون و لا طلعة و لا مدرسة
و كللللللمةةةة ما اسمع منهه
_ اني ما انطيك كلمة هالشي يخصها بس راح اوصل كلامك الهه
رجع الولد لخالتي كلهه ع قراره
دينا: شنو شنو هووو بكيفه ابطل
ماجدة: بسسسس اسمعيني
دينا: ما اسمع ما اسمع ، مو عبالهم اني مثلكم اخضع الهم و لقراراتهم و امسح ع كتافهم
ابدددددد مو هيج اني
هذا ناوي يدمرني
ردت عليه خالتي و هي تسحبني تغسل بوجهي
_ انطينا مجال نفهمج هو وين راح يشوفج
مداومة لو لا شو بالسنة حسنة يذكركم
اخذي ع كَد عقله و داومي من وراه شمدرررري
دينا: خالة مراح يقتنع و الله الا اسوي الي يريده
_ وج هو يمج كَولي اي و غلسي عنه
أنت تقرأ
تَعسُف الجائِرين
Romanceبحدود ال٨ بليل رجعنا اني و أمي من بيت جدي لبيتنا و احنا نمشي ع القدم ، لأن مسافة قليلة بينا ، عبرنا ساحة جبيرة يلعبون بيها طوبة و دخلنا السوكَ جان مكان شبه مُظلم ، اباوع ع المكان يخوف بس احنا متعودين نمر من يمه ، كان الخراب و الدمار سيد المو...