تَعسُف الجائِرين

مشاهد + أعلان

بقلم ميرال آل سعد
تصميم المبدعة ماريمة
its_marym0

لتنسون التصويت ع النجمة ووالتعليق ع الفقرة الي تعجبكم
●●●●●●●●

تعَسُف الجائرين

أُناس ظالمون
للِحق باغضُون
لوعودهم غير وافون
للقوارير هادمون
أحياء بِقلوب مِيتة
حلُولهم غير منصفة
و هنّ :
السُن صامتة
عُمرهِم في زهوته
لكن ارواحهن مُشتتة
لا تدري ما الذنب الذي اقترفته

من جَنُوب العِراق ، نقَلنَ روايتَهُن التي طرزها الظلم
و شوه الإنسان عدالتها ، بجوره و طغيانه
انهك دهر الاستبداد حالهن
ليصلن ها هنا و يروين ما رأت اعينهن

زوجةٌ مصون
و امٌ حنون
يأخذون وليدها من بين أحضانها
و عليها يتجبرون
يجبرونها ع زواج لتكون الثانية
فتبدأ معاناتها معهم
و هم لقول الرسول (ص) ناسون
[فَاتَّقُوا اللهَ في النِّسَاءِ]
فيا ترى كيف ستهون؟
أما هي
بِنتٌ حسناء
تشهد كل الوقائع
تسند أُمها و تتمرد عليهم
فيبحثون لها عن رادع

♥︎♥︎♥︎♥︎♥︎♥︎♡♡♥︎♥︎♥︎♥︎♥︎♥︎

【 مشهد 1】
بحدود ال٨ بليل
رجعنا اني و أمي من بيت جدي لبيتنا و احنا نمشي ع القدم ، لأن مسافة قليلة بينا ، عبرنا ساحة جبيرة يلعبون بيها طوبة و دخلنا السوكَ جان مكان شبه مُظلم ، اباوع ع المكان يخوف بس احنا متعودين نمر من يمه ، كان الخراب و الدمار سيد الموقف
قريب لنوصل لبيتنا
شفت السيارة المخربة و محتركَة
متعودة دائماً اصعد فوكَاها و العب لأن كلش حركة ، جنت معتبرتها لعبة .
تقربت عليها اريد اصعد مثل كل مرة اترااجعت من لفت انتباهي بطل سفن حجمه كلش جبير بالارض واكَع نزلت لمكانه شلته بيدي جذبني شكله شلون عملاق ، بقيت العب بيه و اهزهزه اصعده فوكَ و انزله
فجأة حسيت شرار صاعد ليفوكَ و صوت عصف كلش قوووي
ظليت واكَفة اصتكيت بمكاني و اني كامشة البطل
اهل الأحياء القريبة اجوي يركضون يردون يعرفون شنو هذا الشرار
اتقربوا عليه يتفصحوني ، خاف متأذية
اني اباوع عليهم و عييوني تتنقل بينهم
مصدرت مني اي ردة فعل غير هاي
سمعت صوت واحد يصيح عليهم
_ انتبهووووا لخطواتكم هاي الكاع ملغومة
انبلعن عيوني لجوه من الصدمة
و فقدت النُطق ....

♥︎♥︎♥︎♥︎♥︎♥︎♡♡♡♡♡♥︎♥︎♥︎♥︎♥︎♥︎
【مشهد2】

ا

تأكدت كلها نايمة وصلت للغرفة و اني اتلفتت حواليي و فتحت بابها ع كيفي جسمي يرعش من الخوف دخلت انتظرت شوية خاف أحد حاس عليه من اهلي ، اتجهت للشباك المطل ع العرصة الظلمة فتحته ،و اني ادور عليه بعيوني شفته خاتل بالعرصة منتظرني من شافني و أتاكد اني تقرب للشباك و ع وجهه ابتسامة سلم عليه ، عصرت اديه و اني ارد عليه
_ الحمد لله ع سلامتك، شوكت رجعت
*الله يسلمج ، كَبل شوية رجعنا
_ شوف التعب شلون مبين ع وجهك ، اتأخرت هناك
صارلك ١٠ ايام
* موسم صيد و بقينا هناك نصيد
بعد خبزتنا
بقى يسولفلي عن رحلته و عن الصيد و منو الي راحوا وياه كمل كلامه ، ركزت عيوني بعيونه وسألته السؤال المعتاد الي بكل لقاء
_ شوكت نتزوج احنا صار النا ٤ سنوات
لشوكت نبقى هيج ؟
تقرب للشباك اكثر و هو يهمس بصوت خافت
* اصبريلي بس اصبريلي عن قريب أتقدم و اخطبخ
عله صوتي و اني ارد
_ و ليش كل هالتأخير
* حتى محد يكون اله حجة لرفضي من اجيي
■■■■■■■■■■■■■■■■■■□□□□□□■■■■■■■■■■■■
لتنسون التصويت ع النجمة ووالتعليق ع الفقرة الي تعجبكم
متأكدة ح تحبوها مثل ما اني حابتها