زهراء عـزالدين
الذنب الرابع و العشرين
لـ بأي ذنب
مو تنسون التصويت++التعليق بين الفقرات
قراءة ممتعة شباباتنا الطيبة
________بأي ذنب..!________
طلعت من بوابة القسم أركض، ركضت وركضت تعثرت ووگعت بدون ما احس وكملت طريقي وصلت لباب الجامعة الرئيسي
الشرطة يباوعون لحالتي ووجهي المليان دموع وكدمات! وأيدي الي تصب دم، حاولو يلزموني دفعتهم بقوة وركضت وأول سيارة صادفتني ركبتها
سامر: عمي اخذني للبصرة اترجاك اخذني أترجاك اخوي مات واريد أشوفه
والرجال أنكسر خاطرة على حالتي وقبل أصعد وساق سيارتة لطريق البصرة، ابجي لا لا انا ما ابجي انا أنزف!
دم يصب من عيني ألطم راسي وأصرخ الطريق صار أطول من العادة لحد ما وصلت بعد ساعات كلش طويلة
نزلني الرجال ببداية الشارع الي يودي لبيت محمد..شنو هاي الأعلام تملي الشارع شنو فائدة هذا العلم هسه؟
بشنو راح ينفعني رفعكم اله وأخوي هذا فارگني؟ صديقي الوحيد والأخير!!! ما أكدر اكمل الطريق تشگگت رجليه من الركض حافي
گعدت بالشارع مددت جسمي على التراب ليتني انا الي أندفنت تحت هذا الثرى، ليت روحي فارقتني قبل أن تفارقك ،سمعت صوت الأناشيد تعلوا بالسماء
تمنيت يبني عريس والشبان يزفونك
مخضب بدمك يبني وزلوفك اعله متونك
يبني اختصرت الدنيه والجنه بين عيونك
زفوه الگمر زفوه وبفيض الدمه حنوه
رافع يبني بالشهاده جفنوا رحها برفرف سعاده
وبوسط القلب دفنوه وحق عيناك وحق عيناك
يلي الجمال اوصافه الملاك الك زفافه
نهضت اجر اقدامي متوجة للصوت وشفت الأسعاف تشيل جنازته تتقدم الموكب وهي مزينة بالورد وعلم الوطن يعتليها وكفت بنص الطريق
سامر: اوگفو اترجاكم اوگفو اريد اشوف اخوي خووووووويه
صرخت وصرخت ولطمت راسي وانا واكف كدام الأسعاف!! طحت على حيلي كدام الأسعاق فوگفت!
خليت ايدي ع الارض واتكأت عليها ومشيت لبابها، لزموني يريدون يبعدوني عن اخوي
سامر: ولك كووووم ويينك يريدون يبعدوني عنك ما يسمحولي اشوفك ولك كوووم، لا لا انا راح اشوفك غصباً عنهم
دفعتهم كلهم وانا أصرخ وابجي هذا اخوووي وخرووووو عنيييييييي ولكم ابوي هذا هذا سندي
ابتعدوا وفتحولي باب الأسعاف وشفته متوسد التابوت، ملاك نايم بهدوء يا جماله وجمال نومته رفعت جسمي وصعدت اله
