زهراء عـزالدين
الذنب الثالث والعشرون
لـ بأي ذنب
مو تنسون التصويت++التعليق بين الفقرات++ اهم شي تفاعلكم البارت يجنن ويستحق
قراءة ممتعة شباباتنا الطيبة 💍🕊️
_______بأي ذنب_______
سامر: الجمعة اروح اخطب
ما حسيت الا انضربت بمخدة قوي، سبيتهم والتفتت اشوف كمال واگف وعاگد حواجبة ومتخوصر
سامر: لك طاح حظك اذيتني قندرة
كمال: وتجيب أذية صماخك لأذية گلبي يالخاين
فراس: كمال بروح جدك مو وقت سخافتك
كمال: انتَ اسكت، وانتَ احجي منو بنت المحظوظة هاي الي اخذت هالجمال!!؟
سامر: كلكم معزومين أكيد إلا هالقندرة كمال يخربها عليه لا تجيبونة ابد
بقينا نداهر ويسئلوني واجاوبهم بس ما گلتلهم منو العروس إلا بعد ما نخطب وحتى حجيتلهم سالفة البيت
كمال: بالله ما تنطيني رقم جمال
سامر: شتسوي بي؟
كمال: اتزوجه للرجال او اتزوج بنتة الرجال يخر فلوس وهم يسحبني ويا للخارج
فراس: من شر حاسداً اذا حسد
كمال: دروح روح، ناقص بس تفگسها لعيني وانتَ يالله أنطيني الرقم
سامر: راح اكوم اخيس مصارينك كافي لك اثگل
عفتهم وگمت لفيت راسي ونمت براحة
يوم الأحد داومت واجت شرحت محاضرتها وطاقتها جميلة جداً وأول محاضرة ما يكون بيها مشادات بيناتنا بل بالعكس طول المحاضرة تضحك
رحت للعمادة وطلبت إجازة للأحد وجذبت گلت فاتحة بالبصرة ااااخ صاير الجذب عادة يربي من وراها يعني الذنب عليها مو عليه
خلص الدوام ورحت للقسم اخذت احتياجاتي مالت أيام ورحت لشغلي كملت واتصلت بدكتور علي بلغتة نبات يمة انا ومحمد حتى الصبح نطلع للبصرة، دزيت رسالة لعِطر بلغتها رايح اجيب أهلي
وصلنا انا ومحمد للبصرة ورحنا لبيت علاء متلهفين لأمة لان بيتها اقرب شي للكراج
دگيت الباب واجاني صوت أمل التفتت على محمد واتنهدت
سامر: فتحي انا سامر
فتحت الباب بسرعة بدون لا تلبس حجاب فرحانة وتناديني انا بسرعة درت وجهي ومحمد ضرب الباب بسرعة
محمد: دخلي خلي شي على راسج ولا تجين يمنا نحن داخلين للديوانية وناديلنا امج بسرعة
سامر: استغفر الله
محمد: شنگدر نسوي الها مثلاً ميفيد بيها
