_____________بأي ذنب_______________
#زهراء عــزالدين
الذنب الرابع
لـ بأي ذنب
لا تنسوا التصويت++التعليق بين الفقرات
قراءة ممتعة شباباتنا الطيبة
________________°
الصدمات القوية التى تنقض فجأة على رؤوسنا كالصواعق ، تحتاج الى وقت حتى نستوعبها لتتأكد أن دائرة التعاسة لا تتوقف أبداً .
رفعت راسي للدكتور وانا اشهگ بجي وحالتي حالة
سامر: هذا أخر شي اتذكره دكتور
الدكتور: ميخالف ابني الف الحمدلله على سلامتك الي مريت بي جداً صعب وبعمرك هذا انت بطل صدكني
سامر: شنو الفايدة دمروني لا الي اسم ولا حياة
الدكتور: ابني هاي فرصة ألاهية حتى تعيش حياتك من الصفر لا يعلم احد ما يخبئ لنا الله ، أن الله على كل شيء قدير الله عز وجل انطاك فرصة جديدة تعيش مو لحتى تستسلم
سامر: الله كريم
الدكتور: لليوم انتهت الجلسة ما اريد أضغط عليك اكثر من هيج
خلصت الجلسة لليوم طلعت من غرفة الدكتور وانا مهدود حيلي تلگاني دكتور جمال لزمني من جتوفي وطحت على الأرض مخنوگ وابجي احس روحي تطلع ما أعرف شنو صار فجأة
خليت راسي على صدرة وبجيت بجيت هوااااي احتضني ويطبطب على ظهري سمحلي ابجي بدون ما يسألني سمعت صوت غرفة الدكتور تنفتح بس ما التفتت
حسيت بالدكتور يخلي ايده على راسي ويمسح على شعري
الدكتور: ابجي ابني لا تكتم النفس هم الها حق علينا ما لازم نأذيها بالكتمان صرخ ابجي كسر شنو يحسسك بالراحة سوي
ما كان اكو احد لان هي صالة خاصة بالدكتور قبل لا ندخل لغرفتة والمراجعين خارج هاي الصالة بعد ما ارتحت رجعت لبيت الدكتور جمال ومر اسبوع ورجعنا للدكتور النفسي ما خلاني ادخل لغرفتة
أخذني الدكتور لغرفة ثانية داخل الصالة حيطانها بيض مملية كزاز ومزهريات ومرايا
الدكتور: راح اتركك هنا كسر وصرخ وسوي الي تريدة لحد ما ترتاح
دارني علية وخلا ايدة على اكتافي وكال
بس خلي ببالك انو انت تسوي هيج لتفريغ طاقة وبس وراح تطلع من هاي الغرفة بكامل طاقتك وترجع بالجلسات الجاية سامر جديد بأحلام جديدة راح يبني نفسة من الصفر
تركني وطلع درت عيوني بالغرفة بس أبيض بأبيض وكلها اضوية غمضت عيوني من شدة الأضوية وتذكرت المخزن والتعذيب والظلام بلشت اصرخ وانا مخلي أيدي على راسي واضرب براسي كأنما اضرب الذكريات الي مر عليهم هواي بس ما يرحون مني ابد
