زهراء عـزالدين
الذنب الحادي والثلاثون
لـ بأي ذنب
مو تنسون التصويت++التعليق بين الفقرات الذنب القبل الأخير خلي نختمه بتفاعل يستحقه
قراءة طيبة وذكرى حسنه
________بأي ذنب..!________
سامر: جوان تسمعيني؟
جوان: سامر
سامر: بعدج تتذكرين صوتي؟
جوان: ليش جنت تظن راح أنسى صوتك؟
سامر: اكدر اطلب منج شي؟
جوان: أطلب
سامر: أريدج تجين للمستشفى ببغداد
جوان: ليش؟ شنو بيك؟
سامر: أنا بخير بس احتاج لشوفتج ضروري ، لازم احجي وياج بشي مهم
جوان: تمام راح اجي
سامر: تكدرين تجين الأسبوع الجاي
جوان: باجر انا يمك
سامر: شلون راح تكدرين من البصرة لهنا لا تستعجلين
جوان: انا ساكنة هنا سامر ببغداد بس انطيني عنوان المستشفى
سامر: تمام أنتظرج
جوان: مع السلامة
سامر: من توصلين للمستشفى اتصلي بي حتى ادليج بأي غرفة
ثاني يوم الصبح اتصلت جوان الصبح وانطيتها علم اني بردهة الأمراض السرطانية حسيت بغصتها وصدمتها وسديت التلفون بسرعة حتى ما تسألني عن شي
بعد دقائق سمعت ركضة بالردة سألت ممرض عني ودلاها شوي وانسحبت البردة ، اشوفها واگفة كدامي وتتنفس بسرعة وعيونها مدمعة
مرت ثلاث سنوات من أخر مرة، تغيرت ملامحها هواي !! جمال وأناقة هي هسه أنثى متكاملة ما ينقصها شي!
وكعو دموعها من عينها ، الصدمة ماخذة كل ملامح وجهها والحزن يخالج نظرتها ، كل شي تغير بيها الا عشقها!! بعدها تعشقني بشغف...
غريب أمر هذا العشق إنه يتجذر فينا ويتكاثر بداخلنا وأكثر من الخلايا السرطانية ذاتها!! وجدو علاج لكل هذه الأمراض ايعقل انه لم يجدو علاج لمرض العشق حتى الأن!
جوان: صدق النبي يوسف لما كال " ألم العشق يذيب القلب ويجلب الهم " وهاي مصيبتي ما كدرت انقذ نفسي من هذا الهم بأي طريقة ! بالعكس وكعت نفسي بي مرة ثانية وفشلت هم
سامر: شنو الي مبچيچ
جوان: ما ادري منين تجي هالدموع
سامر: اممم بعدج طفلة وتبجين على كلشي
جوان: بعدك فظ وغبي وغثييث ومكروه، شنو الي يبجيك انت؟
