زهراء عـزالدين
الذنب الثاني والعشرين
لـ بأي ذنب
مو تنسون التصويت++التعليق بين الفقرات
قراءة ممتعة شباباتنا الطيبة
_________بأي ذنب..!_________
سامر: ههههه إذا اتقدم لخطبتج توافقين
عِطر: تحجي صدگ؟!
سامر: يمكن أكثر قرار صحيح أخذه هذا
عِطر: بس ما أعرفك ولا تعرفني حياتنا، عوائلنا، أهتماماتنا، ما نعرف كلشي عن بعض
سامر: ما تهمني كل هالأمور الي يهمني انا تتقبليني او لا
عِطر: شلون يعني
سامر: نگدر نحجي بكل هذا اليوم بعد الدوام نطلع بشي حديقة وأحجيلج عن سامر موافقة!؟
عِطر: تمام
سامر: يعني موافقة ع الزواج
عِطر: هههههه ليش مستعجل خلي نحجي بكلشي شوي شوي عندك كل الوقت
سامر: ما توقعت هذي ردة فعلج توقعتج تگولين سامر انت راسب بمادتي ومستحيل تنجح ووووووو لان تجاوزت حدي
عِطر: من نلتقي راح تعرف شنو سبب ردة فعلي هذي
سامر: تمام إذا هيج هههههه بعد الدوام العصر تصل بيج ونلتقي ويلي تردين تعرفي كله راح تعرفي
رحت بوجهي للعمادة أخذت إجازة بحجة قلبي وأريد أروح للمستشفى وطلعت بوجهي لعيادة دكتور علي، دخلت وبعد سلام وسؤال عن الحال فتحت موضوعي ويا
سامر: تقدمت لعِطر
علي: اي!!
سامر: واليوم راح نطلع انا وياها حتى أعرفها منو سامر
علي: شنو راح تحجيلها عنك بالضبط
سامر: راح افهمها مثل ما فهمت عوائل أصدقائي اني يتيم واتكفلني دكتور جمال ومسجل بأسمة، كيف عشت حياتي، دراستي، أخواني، وأكيد انت صديق دكتور جمال وبس صديقة المقرب جداً
ما عندي بيت اسكن بي لان عايش بالأقسام حالياً، شنو شغلي والمحل الي أملكة انا ومحمد، احجي الها هالأمور
ما أحجي عن طفولتي ونسبي، أمنيات، هالأمور مو مهمة تعرفها
علي: تخطيت أمنيات
سامر: تناسيتها
علي: تمام إذا وافقت على كل هذا، شوكت يصير الزواج لا تفهمني غلط لان كاعد احجي وي أخوي الصغير او أبني ونتناقش بهالامور الضرورية
سامر: اي طبعاً تفضل أسمعك
علي: البيت الي راح تسكن بي، المهر وكل هذا
