زهراء عـزالدين
مشاهد مستقبلية الجزء الثاني
لـ بأي ذنب
مو تنسون التصويت++التعليق بين الفقرات
قراءة ممتعة شباباتنا الطيبة
_______________بأي ذنب..!___________
** المشهد الاول
- شنو دزو الج؟
- صورته وهو يبوس وحدة من البنات
- أنت تجذبين مو هيج؟ ماكو موضوع هييج مستحيييييل مستحيل ما اكدر افهم الي تحجي شهالكلام! هو يختلف عن الكل هو نقي وما يسوي امور مثل هذي!!
- اوديلج الصور تتأكدين
-دزيهم
** المشهد الثاني
- ما تخافين تسوين هذا؟ شنو راح يصير بيج ورا ما تنطيني نفسج؟
- ما يهمني حتى لو متت علمودك ، يكفيني اني اقضي وياك حتى لو ساعة وحدة
- وأهلج؟ شنو راح تكولين الهم ؟ يا ترى راح تكليلهم انج تعشقيني وتحبيني وانطيتيني نفسج؟!
- لا لا ما راح اسمح الهم يإذونك أبداً، ما أكللهم وما راح يعرفون
- أنت مجنونة!؟
- مجنونة بيك
- لا أنت مجنونة بهوسج
- ما يهمني اذا چان حب او هوس أنا أريدك بس
** المشهد الثالث
جاوبتها بصوت عالي: منو أنتِ!!
هيج أحساس بداخلي يعرف الجواب ويتمنى يكون خطأ..
- أنا أمك يا ابني
- أمي؟ العفو مفهمت خالة خاف متوهمة انا يتيم
- لا ما متوهمة ، ماكو أم ما تعرف أبنها
____
ها ولكم شلونكم مشتاقتلكم هواااايات 👍😔
اعرف ان مشاهد الجزء الاول من القصة مو كلها وضحت وقرأتوها لكن لا ضير نتحمس لمشاهد جديدة مو صح شبابات
راح نكتفي بهذي المشاهد حتى نتحمس وننتظر القصة وشخصيات جديدة من جديد بفارغ الصبر 👈👉
كلش حبيت حماسكم وتعليقاتكم بالجزء الاول رغم قلتكم بس فرحتكم تسوى عندي ألـ100 وممتنة الكم هوااي لتشجيعي بأول قصة الي
احاول التزم وياكم بالنشر مثل الاول رغم تعرفون من اكتب أتعب بسبب ايدي 😩 بس الحماس وانا اكتب ينسيني
وهسه شنو اتمنى تكونون أشتاقيتو لجملتنا الوداعية وملاتنا سلام 😏
الملا سلام: كلنا بالنهاية ذكرى فأحسنوا ذكراكم🌿
كونوا بخير حبايبي 🌿🌿
