اللهم صلِ على محمد وأل محمد
زهراء عـزالديـــن
الذنوب العشر
لـ بأي ذنب
مو تنسون التصويت++التعليق بين الفقرات
قراءة ممتعة شباباتنا الطيبة
___________بأي ذنب..!_____________
"الإنسان كلمة ، تحييه كلمة ، وتقتله كلمة"
أمنيات: شتحجي سامر ما فهمت
سامر: تتذكرين السيارة الي رادت تدعمني
أمنيات: اي اتذكر
سامر: جنت ضايع بجمال صوتج لهيج بوقتها ما انتبهت لطريقي وما جنت منتبه لأي شي ثاني غيرج!
تتكاثرين بداخلي وتحتلين كلشي يوكف كدامج او ينصدم بيج! روحي ، گلبي، خلايا ذهني، تفكيري وجسمي كلها صارت طوع أمرج
يمكن هذا هو الحب او الجنون بعينه ! لأن انا واكع بيج بدوم ما أشوفج! بس مشكلتي مو هنا
اذا جان صوتج فعل بي كل هذا شراح تسوي بي عيونج وخدودج؟أبتسامتج وشفايفج؟أخاف افقد النص الباقي من عقلي لأن هذا اخر ما بقى الي أمنياتي!
ما أعرف اذا هذا هو الوكت المناسب حتى أكول هذا الكلام بس انا مغروم بيج أمنيات انا احبج هواي ، ما اكدر اطلعج من عقلي انت تشغلين بالي طول الوكت
بقت ساكتة ناديتها :أمنيات!!
أمنيات: هاا
سامر: ليش ساكتة؟
أمنيات: لأن ما عندي إجابة للي تكولة
سامر: طيب زعجج كلامي
أمنيات: لا بس أفكر بحالة أنمار شنو راح تحس اذا عرفت أنت تحبني
سامر: بس أنت گلتي ان حبها مجرد مشاعر مراهقة! وراح تنسى بمرور الوقت وما تحس بشي
أمنيات: اي هذا الي گلته بس انا خايفة عليها هسه
سامر: لا تخافين ما يصير الها شي
أمنيات: ما اكدر أقبل بمشاعرك يا سامر ما اكدر أسوي هيج بأختي راح ابتعد عنك
سامر: لج لا تخبليني ، أمنيات شبيج ؟ شنو ذنبي اذا جانت اختج تحبني وأنا احبج! بقت ساكتة بعدين سدت التلفون ، دزيت الها هواي رسائل بس هي ما ردت ، معقولة أستعجلت بكلامي ؟ وهاي هالراحت عني
مر يومين وأنا انتظرها وادزلها رسائل ، تشوفهم بس ما تجاوب
وهذا اليوم الثالث ، گلبي تعب كلش أهملت نفسي ،صحتي،دراستي، أهملت كلشي
بالليل دزتلي رسالة
أمنيات: سامر انا كلش أفتقدتك وما اكدر أبتعد عنك ، حاولت كل جهدي بس ما أكدر امنع نفسي عنك
