يادولتي لصار حيلتي بيتين.

خامسه

وصباح اليوم الثاني راحو التخرج واستانسو وهم راجعين عايض عزم هادي يتغدا عندهم .

هادي:تم يارجل .

عايض:هادي روح قول لها انك تخرجت يقصد (اللي يحبه هادي).

هادي:منهي ؟

عايض:الغلا وغمزه .

هادي:ياالوسخ مالك شغل انت صغير على ذي الامور .

عايض:ياخي احسك كذاب.

هادي:احساسك صح هههههههههههههههههههههههههههههههههههههههههههههه اخ تدري نسيت كذبتي ليش تذكرني فيه .

عايض:ياحيوان امس مانمت جاني خفقان مزدوج على بالي ب تتزوج وتسير رجل .

هادي :الحين كل هذا مو رجل ترا اروح اتزوج صدق واخليك عزوبي .

عايض :لا خلاص ،اسمع خلينا نمدد عقد العزوبيه .

هادي:قدام .

دق ""ابو سعود:هادي جدك جا وينك انت .

هادي:يلا يابوي جاي انا .

عايض:خير انشاءالله عسى ماشر ؟

هادي:قم يلا جدي جا .

عايض:خلينا نلبس الوشاح عشان يعطينا هديه .

هادي: اي والله ياشيخ يسعد ام ام مخك .

راحو لبيت هادي وسلمو على جدهم .

الجد :ناجح انت ياهادي ماشاءالله عليك طالع على جدك ، وبمناسبة تخرجك تروح للمزرعه وتختار الخيل اللي تبيه وتاخذه .

عايض:وانا ياجد !!!!

الجد:وانت بعير .

عايض:ليه كذا ؟؟

الجد:لانك تكلمت لاتستعجل على رزقك وبعلمك الصبر بعد .

ويالله إذا انكم جاهزين مشينا .
عايض بإذن هادي:وانا هنا سوا فيني كذا اجل لو اني اروح هناك بيزوجني واحده من نياقه .

هادي يضحك:لايق عليك احس .

عايض:بروح ل امي اسلم عليه ابرك من قعدتي معكم .

هادي :اخ ليتني نايم .

عايض:خلينا نترجع .

هادي :لا ماعليك ماراح يتحملون جو الديره والضيق .

مشوالظهر وكان جدهم يغني وهادي فاتح الشباك.

عايض يدخل راسه من ورا: ياخي ودك تدفن موهبه جدي وهو معها .
العيال يضحكون .

عايض:هادي انت احلام المغرب فاتح الشباك وشمس مسويه خوي معنا .
هادي: لاتزعجني هههههههههههههههههه خليني .
وصلو الديره .

الجد:نظفو البيت واطبخو بروح اصلي الفجر والقى البيت نظيف والاكل جاهز .
عايض : هادي خلينا نروح وكل واحد يجيب عيال خاله يساعدونا بشغل البيت ؟

هادي :والله ماهي شينه .
راحو عايض وهادي نادو العيال عشان يشتغلون معهم :
فيصل :ولد خال عايض ،سيف ومشاري :عيال خال هادي
وقف هادي بنص الصاله وبدا يقول لهم .
هادي :جدي يقول ل احس الا البيت نظيف وفي اكل عشان ناكل وكل مرتب .
والمطلوب منكم تساعدونا .
فيصل :غلطان يحسبنا بيت ‏الكناين .
ضحكوا "

هادي:انا طبخ .

عايض:انا معاون هادي.

فيصل :انا الصاله وغرفه جدي .

هادي :سيف ومشاري الحوش وباقي البيت .

بدوا يشتغلون "
عايض راكب على دولاب المطبخ وهادي يذوقه الاكل وياخذ رايه .فيصل وسيف ومشاري يتابعون المشهد من بعيد .

عايض يمزح :ياهادي لا تهتهم فيني تراني اتعلق بسرعه

فيصل :تحسهم بكليب اغنيه .

سيف:ياخي تخيل مع زوجتك.

مشاري :سيف شيل المكنسه عن رجلي فيها مويا .

فجاءه الجد بصوت خافت (وش تسوون )

العيال :نتابع مستقبلنا .