يادولتي لصار حيلتي بيتين.

احداث

اخذ ابو مهران شمال واختها ل بيته اللي بديره .
بعد ماقام ابو صالح من النوم واستوعب صدمه هروب حفيدتها راح ابو صالح يسال عليهم كل الناس والناس تقول لا ماشفنهم .
ضل ابو صالح في بحث مستمر عن حفيدتها وبعد مامر يوم كامل راح وبلغ الشرطه وطلع كلام على ابو صالح انه يعذب البنات عشان كذا هربو وانه ياكل حلالهم عرفوا الناس حقيقه ابو صالح وهذا الموضوع كان بالنسبه ل ابو صالح غير مريح جدا حلف ابو صالح لو ‏لقاهم انه راح يقتل'هم وحط مكافات ومبالغ وهذا كله من ورث البنات؛وبعد فتره صارت ديره ابومهران تشكي من قل الماء .

ابو مهران :انزل ياهادي على البلاد وجيب لنا ١٠٠٠وايت ماء اسقي العربان ولاتاخذ منهم شيء لما اشوف حل للمشكله هذي.

هادي :سم ياجدي .
نزل هادي واخذ شباب معها يساعدوه تقسمو كلن راح على حي
وفي اخويا اثنين راحو لبيت ابو سلطانه دقو الباب .

الشباب :السلام عليكم حنا مراسيل ابو مهران نعبي لكم ماء شوفو لنا طريق نطلع على ‏الخزان ل ‏هنتم .

ام سلطانه :افتح الباب يابو سلطانه هذولا ابوي مرسلهم .
فتح ابو سلطانه الباب وطلعو فوق على السطح ،واثناء ماكانت المويا تعبي كانو يسولفون وجات من ضمن السوالف سالفت ابوصالح والمكفاءه .
الشباب:يقولون اللي يرجع حفيدتها ل عندها ياخذ مكافاءه ماشاءلله .
سمعت سلطانه السالفه وركضت ل امها .

سلطانه :يامه تتذكرين هذيك البنت اللي اسمها شمال و معها اختها الصغيره  اللي شفناها في بيت خالي ابو سعود ؟

ام سلطانه : ايه اللي نامت عندهم .

سلطانه :ايه هي ،سمعت هذولا العيال اللي فوق يقولون ان البنات هاربين من بيتهم و ابو صالح عارض مكافاءه كبيره جدا للي يجيبهم له .

ام سلطانه :من وين نعرف مكان حفيدتها .

سلطانه :يامه شمال احب هادي اكثر من امها وابوها وهادي مايذكر شمال بس جدي ابو مهران يذكرها!

ام سلطانه :بسم الله على عقلك يابنتي الذكيه .

ام سلطانه :الحين روحي جيبي لي رقم جوال ابو صالح من جوال جدك وتاكدي ان شمال موجوده .

ركضت سلطانه على بيت ابو مهران .
سلطانه تدق الباب بسرعه .

هادي وابو مهران :بسم الله وش فيه جايين؟!؟!؟
فتح هادي الباب وجده واقف وراه على الدرج .

سلطانه :البيت احترق في امي وابوي الحقوني .

هادي ‏ذهين جدا .
ركض هادي قدام جده ولف وجا من ورا البيت عرف هادي ان مافي احد يحترقون اهله وهو بارد كذا

ابو مهران :لاإله الا الله لاإله الا الله !!!!!!
ركض ابو مهران ل بيت ابو سلطانه .
دخلت سلطانه البيت وسكرت الباب بعدها دورت رقم ابو صالح واخذتها ولفت بالبيت شوي بس ماامدها تخلص  كل الغرف وطلعت برا البيت ركض وصل وابو مهران ولقو البيت مافيه شيء والوضع طبيعي .