يادولتي لصار حيلتي بيتين.

السابعه

واليوم الثاني رجع ابو صالح بس مالقى هادي .

السلام عليكم ،وعليكم السلام

ابو مهران :وش رايك يابو صالح اخلي ولدي ابو سعود يدور شغل ل حفيدك الحارث في البلد ويقدر يفتح بيت له ول امه .

ابو صالح :والله ماهي شينه بس مابي اكلف عليكم كافيه انك متحملني انا وحفيداتي.

ابو مهران :لو اسمع منك هذا الكلام بزعل منك كثير،الا على الطاري كيف حاله ام حفيداتك .

ابو صالح تنهيده :الله يقومه بسلامه.

ابو مهران :اللهم امين .

اتصل ابو مهران على ولده ابو سعود وطلب منه يدور شغل ل الحارث.

ابوسعود :وش يعرف يسوي ؟

ابو مهران :جده يقول انه شاطر با الحساب .

ابو سعود :بخلي واحد من اخوياي يوظفه عنده بمحله .

ابو مهران :اي بس خله مدير عليهم يعني راتب محترم ومكانه محترمه

ابو سعود: لا ماعليك انشاءالله ترضيه الوظيفه

ابو مهران :يابو صالح الوظيفه جاهزه خلي الحارث وامه ينزلون
البلد ويلقون ولدي ابو سعود وانشاءالله مايقصر معهم.

بعد نص ساعه تقريبا اتصل ابو سعود على ابوه :
ابو سعود:يابوي جبت لك بشاره خير.

ابو مهران :خير انشاءالله وابشر بسعدك .

ابو سعود :بعد اسبوعين بيطلع سعود من العسكريه وبننزل عليكم ونحتفل فيه عندكم بالبيت .

ابو مهران :حياكم الله والله يبشرك بالخير هذي الاخبار الزينه والله ،ومنه مره وحده نملك له على جميله .

ابو سعود :على خير انشاءالله.
راح هادي لمزرعه جده ولقى العيال هناك ودخل هادي على الاسطبل واختر الخيل الي يبيه وسمه (هلال )

بعد مرور فتره طلع سعود من العسكريه واحتفلو فيه احتفل بسيط في البيت .

سعود :يابوي ابي اكلمك بموضوع مهم .

ابو سعود :اعرف ياوليدي وانا وجدك مرتبين لك كل شيء والحين

قم نروح ل الديره وناخذ عروستنا معنا .
دق ابو سعود ل ابو عايض وقال له الموضوع وقال
ابو عايض :الف مبروك خير ما اختار وانشاء الله احنا وراكم .

راح سعود ركض ميت من الوناسه لبيت سلطانه وقال لها احنا بنخطبك اليوم بس مو من بيتكم من بيت جدي اللي في الديره .

راحت سلطانه ل امها وقالت لها اللي قاله سعود لها .
(اهل سلطانه عائله تهمهم الفلوس جدا وماعندهم شيء اسمه كرامه )
ام سلطانة :قوم يابو سلطانه بنتنا انخطبت .
جا ابو سلطانه يركض .

ابو سلطانه :وكم المهر ؟.