وبعد فتره ليست طويله سمع ابو صالح انو في واحد ينقال له ابو موضي ' رجال فقير جدا وعنده عائله كبيره ويصرف عليهم ارسل ابو صالح على ابو موضي مرسال يبيها يجي على بيت ابو صالح .
راح المرسال ل ابو موضي وطلب منه الحضور ولما حضر ابو موضي .
ابو موضي:رجل ياخاف الله وطيب وكريم وعنده بنات كثير ويشتغل يوصل ناس من بلد الى بلد ثاني .
ابو صالح :انا سمعت انك رجال شقردي وتحب الشغل
ابو موضي :الله الله .
ابو صالح :وانت ماشاءالله راعي اسره كبيره والماديه ماااش عندك .
نزل ابو موضي راسه وحط يدينه بين رجوله .
ابو صالح :طيب انا راح اعطيك بيت كبير وفلوس وخليك بدال ماتشتغل عند الناس الناس هي تشتغل عندك .
ابو موضي :كيف ؟
ابو صالح :انا اقول لك .
ابو صالح :ابيك تروح لديره عبدالله ابن مطلق آل بسول (ابو مهران ) وتجيب حفيداتي وتقت'لهم بين ديرتنا وديرتهم .
ابو موضي:وليش ماتروح انت ؟
ابو صالح :قصه طويله ومالك فيها
ابو موضي :ماراح اروح وانا ماعرف انت ناوي على ايش اعتذر
وانا سمعت انك تبي تقتل حفيداتك وانا ضد هذا الشيء ولا راح اساعد فيه انا صحيح اني ابو عيله ولاتنسى انا عندي بنات واخاف عليهم ولو بكيفي اخبيهم بين ضلوعي وش اللي غيرك يابو صالح غرتك الفلوس ترا الفلوس وسخ دنيا عمره ماتشتري لك اهل وسعاده وحفيداتك لو كانو شايفين عيشه زينه عندك ماكان راحو عند ابو مهران انت ماتقدر تروح هناك عشان تعرف دخيلين ابو مهران مايتنازل عنهم وهادي ابن مهران بن عبدالله آل بسول ماراح يتخلى عن حفيدتك شمال بنت صالح بن جمال آل محارب .
عصب ابو صالح جدا .
قرب ابو صالح من ابو موضي وناظر بوسط عيونه .
ابو صالح:معك ثلاث ايام تطلع برا هذي الديره ولا والله ل اخليك انت وبناتك تحت التراب فاهم مانتشرف فيك ولا انت منا .
ابو موضي :اللي مايبينا مانبيه والطيب والكرم اولى فيه ابو مهران جعله يسلم .
عاش ابو موضي عند ابو مهران معزز مكرم .
ابو صالح بصوت عالي وعصبيه :انقلع.
فكر ابو صالح في كلام ابو موضي كثير وعرف ان شمال ماراح تتنازل وترجع وفكر في سمعته وان الناس وش بتقول عليه .
................................
ديره سنمار )ال بسول .
عاشت شمال واختها في بيت ابو سعود وكانت ام سعود مبسوطه فيها جدا ومالك كان مره مبسوط مع غزلان وشمال وزاهيه نفس الاخوات وكان هادي طول هاذي الفتره في بيت جده .
ابو مهران :ياهادي وش صار على اللي قلنه .
هادي :بس جدي البنت ماعنده احد نخطبها منه .
ابو مهران :ياهادي ماتتذكر شيء يخص البنت هاذي اي شيء يعني .
هادي :الصدق لاوالله اول مره اسمع فيها او اعرفها وصراحه انا مصدوم من اهتمامك فيها.
ابو مهران :انا راح اتصرف بس انت موافق تاخذها ؟
هادي :انا ياجدي ماطلع عن شورك واللي تقوله نفس السيف على الرقبه .
ابو مهران :بارك الله فيك .
راح ابو مهران واتصل على ابو صالح .
ابو مهران :سلام عليكم .
ابو صالح :وعليكم السلام ورحمة الله وبركاته مو هلا .
ابومهران:كيفك يانكار الجميل والعشره ؟
ابو صالح :بخير ياخاطف حفيداتي .
ابومهران :انا موجاي ابرر لك او جاي اكثر هرج معاك كلمه ورد غطاها تجيني في سنمار عشان نزوج حفيدي وحفيداتك وبس ولا والله يابو صالح ل اخليك تندم .
ابو صالح :ماني خابرك تهدد .
ابو مهران :اتعامل معاك نفس تعاملك .
...........................
وبين كل هاذي الاحداث كانو جميله وسعود يحاولون يتقبلون بعض والواقع المر اللي هم يعيشونه وكانت ام سعود كل ماتتصل على جميله وتسال عنهم كانت تقول احنا بخير وطيبين ولما تسال ايش ماتجونا وتسيرون علينا كانت تقول جميله ياعمه جالسين نعدل علاقتنا مع بعض ونحتاج وقت نفهم بعض ونجلس مع بعض كانت ام سعود مبسوطه من كلام جميله وتقول اخيرا ان سعود بيتقبل جميله كانت جميله في حاله مايعلم به الا الله وسعود كذلك .
كانو جالسين سعود وجميله في الصاله وكان سعود منسدح .
سعود :وش اللي حادك على المر معي تقدرين تتركيني وتمشين نفس ماسوت سلطانه .
جميله :وش اللي حاداني على المر اللي امر منها وانا ليش ماتركتك اخذ فيك اجر عند ربي وليش ماصير زي سلطانه اصابع يديك ماهي سوا .
ضحك سعود وضحكت جميله وضحكهم كان بصوت عالي جدا .
سعود :تدرين ؟
جميلهً :وشو ؟
سعود :احس اني بديت اغليك !؟
جميله :هههههههههههههههههههههههههههههه ياحليلك والله طلعت تعرف تقول كلام حلو .
رفع سعود راسه واعطى جميله نظره وابتسم .
وبعد فتره طويله.
قررت شمال تشوف هادي وتعرف منه ليش هو متجاهله وكانت مو مصدقه انو هادي ناسها وانها مقتنعه انو هادي ينسى كل الناس ولا ينساها،،راحت شمال لبيت ابو مهران ودقت الباب وفتح هادي .
هادي :خير يااختي ؟
شمال :ياهادي !
هادي :تفضلي ؟!
شمال :انا شمال ياهادي .
عرف هادي انو هاذي البنت اللي جده كان يقصدها استغرب هادي من تصرف شمال جدا وقال في نفسه خير من ذي تعرفني وتعرف اسمي وانا اعرفه .
هادي :ماعرفتك بس إذا انتي جايه عشان جدي ترا جدي في المكتب .
هادي:اعذريني عندي شغل .
YOU ARE READING
يادولتي لصار حيلتي بيتين.
Puisiالحب فطره فطره الله سبحانه في عباده ،ف اللهم لك الحمدعليها تبدا قصتنا باشاب تولع بالبر والمقناص والحلال تتكلم روايتي عن الشعر والحلال وظروف الحياة والايمان با المستحيل و بنيان هجرة من قبل أصحابها ودعوات جميله استجابه الله سبحانه. وكانما اوحيطت ب...
