يادولتي لصار حيلتي بيتين.

شعور الم

ناظرت شمال باهادي ودفت هادي ودخلت وتسكر الباب .

شمال :هادي انا شمال انااااا ياهادي لاتكذب علي وتقول ماتذكرتك !!!

هادي :صاحيه انتي يابنت الاجواد لا تنكبيني معاك اطلعي والله ماعرفك .
شالت شمال غطاوتها عن وجهها صد هادي عنها .

شمال بخنقت عبره :هادي ياهادي .

هادي:تكفين لاتبكين يمكن انتي تعرفيني بس انا والله واللذي نفسي بيده ماعرفك طيب انتي متاكده انه انا ؟؟؟؟؟
غطت شمال وجهها بكل صمت وطلعت .
فكر هادي با الموقف اللي صار كثيرررررررررر وحاول انه يضغط على نفسه بس عشان يتذكرها او انها يتذكر اي شيء من الماضي ولكن كل مره هادي يحاول ينتهي الامر بدوخه وصداع .
رجعت شمال وكانت شايله هم كبير بقلبها دخلت البيت وراحت ل غرفتها اللي هي غرفه هادي من الاساس وانهارت وفكرت كثير بانها ترجع لكن تاكدت بانها راح تموت هي واختها ويوم ورا يوم كانت شمال خايفه وش راح يصير وكذا كانت شمال تقعد بساعات قدام الشباك وتحط يدها على راسها وتتنهد كثير وتبكي شاب راسها من الجذور كانت ام سعود شايله هم شمال وعياله اللي ماتدري عنهم وكيف حياتهم .
وبعد مرور فتره وبعد ماتخطت شمال قصتها مع هادي اخذت شمال اختها وراحت ل ابو مهران المكتب .

شمال :انا رايحه .
ابو مهران :ليه ياشمال ليه ياجدي ؟
شمال :احس الشيء اللي جيت عشانه مايبيني وانا مابيه خلاص خلني اشوف حياتي والله يهنيه .
ابو مهران :والله هادي ماياخذ الا انتي هو قال لك شيء .
شمال :ماقال شيء بس كفايه انو مايتذكرني !!!!!
روحي انتي البيت وانا احل الموضوع اخذ ابو مهران رجاله وحفيدها هادي وشمال وطلعو على ديره (رويد )ابو صالح.
طلعو اكثر من ٢٠سياره وتوجهوا لديره رويد .
وصلو وكان ابو صالح في حاله الصدمه وماكان متوقع ولا واحد بالميه انو هذا اللي راح يصير .
وقفو قدام بيت ابو صالح نزل هادي ونزلت شمال ونزل ابو مهران وكانو واقفين قدام السيارات كان عادي مو فاهم ولا يدري وش قاعد يسير ولاحتى يعرف انو هذا جد شمال ولا يتذكر .

ابو مهران وبصوت عالي : بقوه ولا بلين ؟
ابو صالح :جيتني بجماعه وانا وحيد بالله عليك هاذي مرجله !
ابو مهران :قلت لك تعال با الحسناء بس انت ماتفهم انا كلامنا انا وحفيدي يمشي يعني يمشي .
ابو صالح :ماني مزوجك حفيدتي ولا راح تاخذوها وانا ابيها تجي الين عندي عشان اذبح'ها وانا مرتاح وشكرا لكم ويلا مالكم شيء عندي.
هادي مصدوم وشمال عادي اساسا ماعاد يفرق معاها شيء .
ابو مهران :و المستندات !!!!!
انصدم ابو صالح صدمت حياته وطلب من ابو مهران انو يحلون الموضوع ودي السالفه :انو ابو صالح يشتغل في فلوس مشبوهة وسكرتير صالح على كفاله ابو مهران والسكرتير هو اللي قال ل ابو مهران وابو مهران طلب منه الورق اللي يثبت كلامه .
تفهمو ابو مهران وابو صالح ان ابو مهران يعطي ابو صالح الورق بعد ما هادي يتزوج شمال .
رجعو لديره سنمار بس هذي المره كان ابو صالح معهم .
وصلو الديره وتزوجو هادي وشمال وبدات التجهيزات للعرس
وكان قصر ابو مهران اللمبات حقتها معبيه الدنيا وعزم ابو مهران كل الناس اللي في القريه .
وكانت عروستنا مو سعيده وعريسها ضايع .
دخلت ام سعود على شمال وكانت شمال تناظر لفستانه وتلمسه وتتآمله .
ام سعود :يلا يلا انتي للحين قاعدها قومي البسي المزينة بتجي بعد شوي لازم تسوين مكياج فخم وتسوين شعرك الحلو هذا ماشاءالله .

شمال بصوت خافت وبهمس :شعري فيه شيب شعري مشيب !
ام سعود فصخت ام سعود طرحتها :شوفي حتى انااااااا شعري من الجذور ل اطرافها وهو مشيب يابنتي الحب عمره ماكان عشان اشكالنا شوفي ابو سعود يحبني مع اني مو ذاك الزود .
ابتسمت شمال وعيونها مليانه دموع .
دخلت غزلان .
غزلان :شمال انتي بتتزوجي ومالك يقول انو هادي بيخذاك بيت ثاني وماراح اشوفك .
ضحكت ام سعود .
شمال :لا انا بجيك كل يوم ماعليك .
.....................
مابين كل هاذي الاحداث كانو عايض وزاهيه في العالم الموازي كان عايض يدورعلى وظيفه ويجمع فلوس عشان يخطب زاهيه بسرع وقت ممكن .
.......................
اتصل هادي على مهدي خال عايض وعزمه على زواجه .
قامت كل الناس تجهز للزواج وبدو البنات كلهم يحطون مكياج واللي يعدلون على فستانها واللي اسال عن لون المناكير واللي تتفل بالفاين وتمسح الايلاينر .
نزلو البنات وتر وزاهيه .
زاهيه :امشي نوقف على الباب
وتر:ياخي انا جوعانه مره بروح اشوف الحلا ماطول اكل واجيب لك معي .
زاهيه :ركض يلا انا اسد على الباب .
وقفت زاهيه على الباب وبعد خمس دقايق تقريبا دخلت ام مهدي .
زاهيه :ياهلا يالله حيهم حياكم الله.
ام مهدي :الله يبقيك ماشاءالله تبارك الرحمن اللهم صلي على النبي انتي مين ؟
استحت زاهيه ونزلت راسها .

زاهيه :افلحتي الله يسعدك انا زاهيه بنت ام سعود .
جت وتر تركض .

وتر :جدتي !!!!!!!
سلمت عليها .
ام مهدي :وش دعوه ياحافظ ماعندك جده تسالين عنه ولا تسيرين عليها.
وتر :يوه صارت لنا سوالف المعذره والسموحه .