يادولتي لصار حيلتي بيتين.

ليله احبها

وبدا العرس والبنات يرقصون والعيال يزفون هادي .
كان عايض مع هادي طول الوقت وماتركه .

هادي :عايض ؟
عايض:هلا
هادي:قوم سوي لي شماغي .
عايض:يالله تذكرت الموقف خلاص .
ضحك عايض وهادي وقام عايض سووا شماغ هادي .
دخلو على العرس وكان صوت طلق النار عالي والاطفال يدخلون ويطلعون وابو مهران وابو سعود وابو عايض واقفين على الباب ولابسين عباية (‏بشوت).
دخل هادي وعايض على يمينه وكان دخولهم فخم جدا .
وبعد شوي قامو العيال وشالو هادي وقامو يرقصون فيه وطاح عقاله وشماغه وصار شعره على وجهه وكان هادي يضحك ومبسوط كان ابو سعود يشوف المنظر من بعيد وكان في نفسه يقول استودعتك الله .
وبعد مرور منتصف الوقت تقريبًا.
ابو سعود باذن هادي :يلا ياهادي قوم واحد عروستك .
هادي:طيب بس خلني اتصل عليهم اشوفهم جاهزين .
زهم هادي على عايض .
هادي :اسمع دق على عمتي ولا على اختك وقول لهم يطلعون العروسه .

عايض:ماتحس بدري للحين ؟وليش ماتدق انت عليهم ؟
هادي:ياخي ابوي يقول الحين وبعدين  مستحي خلاص .
ضحك عايض:طيب
دق عايض على وتر وماكانت ترد .

عرس الحريم :
كانو زاهيه ووتر ماهم مخلين احد في حاله يرقصون ويضحكون وحركات على عليا والبنات وتشميقات .
طلعت زاهيه على المنصه وراه وتروجميله معهم  وقامو يرقصون وطلعت سلطانه وعليا وراهم كانت جميله ترقص ودعست على فستانها سلطانه شافت زاهيه الموقف وراحت اشاره ل وتر نزلت وتر وزاهيه عن المنصه وراحو الحمامات ولحقتهم سلطانه وعليا تخبت وتر ورا الباب ولما دخلت سلطانه وتر قفلت الباب في وجه عليا .
قربت زاهيه من سلطانه .

زاهيه :شفتي هذي اللي وراك ؟
لفت سلطانه ولفت وتر .
سلطانه :شفيه ؟
زاهيه :هذي واللي جوًا يعني وتر وجميله خواتي لو فكرتي في يوم من الايام انك تضريهم لازم عليك تتخطيني فاهمه .
اخذت كاست المويا اللي كانت على المغسله وكبتها في وجه سلطانه .
صرخت سلطانه .
طلعت زاهيه ولقت عليا واقفه برا واعطتها نظره وراحت للغرفه حقت اهل العريس شافت جوال وتر يدق وكانت بتناديها  وشافت مكتوب اخوي بدون شعور من زاهيه ردت على الجوال .

زاهيه :عايض!!
قام عايض وغير مكانه شك هادي فيه بس قال اخته يمكن مايبغاني اسمع صوتها حقه .

عايض:هلا والله.
زاهيه :وينك مختفي كل ماجيت بيت عمي مالقيتك ؟؟
عايض:موجود بس انتي ماتجي في الوقت المناسب .
زاهيه :شفيك احسك مو على بعضك ؟
عايض:انا كويس ماعليك .
زاهيه :انا عارفه انك مشغول جدا بس تراك بطيت علي ماجيت كل مايهل شهر جديد اقول بيجي بس ماتجي عساك ماتبيني ؟؟؟
عايض:تنهيده عميقه جداااااااااااااا.
زاهيه:سلامتك من ال اه!!
عايض:لاتهدين حيلي في المعاتب تكفين!
زاهيه:تمام إذا هذا اللي يريحك .
عايض:زعلتي؟!
زاهيه :وتر الحين بتجي وقفلت .
طلعت زاهيه من الغرفه وكانت سلطانه واقفه عند الباب .
زاهيه :نعممممممم خير انشاءالله ؟؟؟
سلطانه :جيت ابي اغراضنا .
زاهيه :من متى وانتي هنا .
سلطانه:توني جيت الحين .
اعطت زاهيه نظره حاده ل سلطانه ومشت .
راحت سلطانه وقالت كل اللي سمعته ل عليا .
عليا :عرفت الحين كيف اكسر خشمك يازاهيه .
سلطانه:صح اني اكرهه بس بتقولين لها اني انا اللي قلت لك .
عليا:ماعليك .
اتصلت شمال على زاهيه

شمال :يلا زاهيه ترا طفشت.
زاهيه :يلا بس انزل الورعان عن المنصه وارتب العرس وانزلك .
شمال:انتظرك .
نزلت شمال من فوق وكانت ام سعود شايله فستان شمال واول ماجت الاضاءه على شمال كل من في المكان كانو يناظرون لها وبنص الزفه جت غزلان تركض على شمال مسكت شمال يد غزلان وكملت الزفه.
جا وقت انو هادي ياخذ شمال .
لبست شمال وجا ابوسعود ياخذ شمال .

ام سعود :يابو سعود هادي وينه ؟؟؟

ابو سعود :هادي مع العيال الحين يجي .
جا هادي وكان شعره طاير على وجهه بشكل مرتب مره وكان الشماغ على كتفه والعقال والطاقيه بيده والعيال وراه .
دخلت زاهيه راسه من ورا شمال .
زاهيه :بالله هذا شكل عريس ؟؟؟
هادي :وش دخلك انتي اص .
كانت شمال واقفه بنص .
ابو سعود :هادي تعال ساعد شمال بانه تشيل فستانها .
هادي اعطى امه نظره وزاهيه نظره .
قرب هادي عشان يشيل فستان شمال .
زاهيه بصوت خافت:ايوا ادب .
نزلت شمال وركبت السياره وركب هادي وبدا يسوق السيارة وكان الهدوء سيد المكان .
ولما وصلو على الفندق وقف هادي وفتح الباب ل شمال ناظر هادي كذا فيها .

هادي:اسمعي وش رايك ندق على الدفاع المدني يطلعك ؟؟؟؟

شمال :اقول اسحب الفستان وانا بشد نفسي واطلع سهله .
اعطى هادي البشت حقه شمال وسحب هادي فستان شمال وطلعت من سياره وقام هادي يشيل فستانها من قدام وهي شايله البشت حقه .
دخل هادي على الاستقبال وكان شكله فخم جدا واخذ المفتاح وهم طالعين قال لهم الموظف ان المصعد خربان .