يادولتي لصار حيلتي بيتين.

السادسه

ضحكوا كلهم "
بعدين سحبوا الفرشه وسووا جلسه بالحوش وجلسو سوالف وضحك الين ماطلعت الشمس

عايض:ياعيال اتذكر في راعي جيب ربع يفحط زي هذا الوقت وينه مااسمع صوته .

فيصل :شكل جدي اعطه كتم .

"ضحكوا"
فجاءه وهم جالسين يسولفون جا اتصل للجد

عايض:تجمعوا عند الباب اخبار البلد .

تجمعوا العيال عند باب غرفه جدهم وكان جدهم يقول:لا يارجل لاإله الا الله ان لله وان إليه راجعوان .
يناظرون العيال ببعض هادي فتح الباب ودخل

هادي: مين ياجد اهلنا فيهم شيء؟؟؟

الجد :لاهذا واحد من اخوياي ولده صار عليه حادث وتوفا وزجته دخلت غيبوبه .

هادي ‏بنشفه دم :اخو زاهيه ،الله يرحمه .

الجد :وحنا لازم نروح نعزيهم ،هادي شغل السياره انت اللي بتروح معي ،وانتم كل واحد على شغله لما اجيكم .

هادي :سم ياجدي .

راح هادي وجده ل الرجل وقامو معهم با الواجب .

ابو صالح:اقول يابو مهران ابيك بكلمه راس.

ابو مهران:يلا يلا .

هادي واقف يقوم مع الناس في عزاهم .
(الحارث خاله المتوفي )

الحارث:انا الحارث وانت ؟

هادي:وانا هادي .

الحارث:انا اول مره اشوفك هنا في بيت خالي.

هادي:اي انا حفيد هذاك الرجل الطيب،وانت؟

الحارث :انا خالي المتوفي.

هادي:الله يرحمه .

الحارث:اللهم امين .
هادي والحارث جلسو يتعرفون على بعض.

ابو صالح :انا يابو مهران جايك وابي طلب منك تردني ؟

ابو مهران :لاوالله ماتهقى فيني وتخيب.

ابو صالح :ولدي عنده حلال كثير وخير من الله بس انهم ماراح يوزعوا الا لما نتاكد ان ام شمال بتموت ل سمح الله او انه بتكون حيه .

ابو مهران :اسلم .

ابو صالح :وانت تعرف ان رجل على قد حالي واحتاج منك بيت كبير وماديه امشي فيه نفسي واهلي .

ابو مهران :ابشر والله بسعدك افا عليك انزل عندي الديره وابشر بالخير .

ابو صالح :جعلني والله ماخلا من زولك .

بعد مرور فتره نزل ابو صالح واهله لديره ابو مهران
واستقبلهم ابو مهران وحط لهم بيت ..

وعاشو في ديره ابو مهران وتركو ديرتهم وام شمال ب المستشفى .

وبعد ماارتحو راح ابو صالح لمكتب ابو مهران ولقى هادي جالس يقرا .

ابو صالح :السلام عليكم ورحمة الله وبركاته.
فز هادي.

هادي :هلااااا والله ارحب وعليكم السلام ورحمة الله وبركاته.
سلمو على بعض .

ابو صالح:اقول خوييي وينه ؟

هادي:ضحك خويك راح يقول عنده مشوار ابو ساعتين وراجع .
‏ ناظر ابو صالح على الطاوله لقى كتاب.

ابو صالح بعفويه :والله مدري وش تلقون انت وحفيدتي باه الكتب.

هادي:والله نستمتع فيها وبعدين انا مااقرا اي شيء اقرا شعر و قصص و الحروب زمان ومهتم بالتاريخ حبتين .

ابو صالح :حفيدتي تقرا عن الشعر والحب والروايات بعض الاحيان .

هادي:ياعم وش رايك اعطيك روايه جتني هديه بس انا ماحب الرويات احسها كله كذب واشياء مستحيل تصير وانت خذها .

ابو صالح :لاوالله ياوليدي مالي في هذي السوالف بس ماني رادك جيبها .

هادي :خلاص اجيبها لك .
رجع هادي البيت وجاب الروايه واعطها ابو صالح .
رجع ابو صالح البيت وكانت معها الروايه واول مادخل شافت شمال الروايه قامت تركض ،اخذت شمال الروايه من جده .

شمال :(يادولتي لصار حيلتي بيتين )!!يجننن اسمها من وين جبتها ياجدي .

الجد :والله هذا حفيد مهران اعطني اياه .

شمال :واو تجنن عادي اخذها ؟

الجد :اقريها واعطيني ال ملخص على اساس انا قريته .

شمال :ههههههههههههه طيب .