يادولتي لصار حيلتي بيتين.

احداث

مشت الايام ومشى العزاء عجزت شمال تتخطى شكل مالك وهو يبكي على اختها ، وبعد فتره جا ابو مهران وجلس عند رجول شمال وباس راسها عظم الله اجرك في جدك صالح .
بكت شمال وكانت صامته وقالت الحمدالله جدي واختي بنفس السنه
ابو مهران :الحلال كله ترا لك حلالك وحلال اختك وحلال جدك والاراضي والعقارات وكل شيء ترا الان باسمك انتي .
مر الوقت ولدت شمال وجابت بنوته.
كانت شمال بالمستشفى واهله هادي عندها بالغرفه وزاهيه والبنات  دخل هادي عليها وهو ماسك بنتها .
هادي: هذي (شيخه  بنت هادي آل بسول )
شمال:الله مره حلو الاسم .
ام سعود :مبروك عليكم ماجاءكم .
ابو سعود:تتربى بعزكم .
جميله :مبروك الله يجعله من الصالحين ترا نشميه خطيبه وليدي .
هادي:والله إذا يستاهل يبشر فيها .
ضحكت جميله .
هادي:ويش فيك يازاهيه ماتباركين لي؟؟؟؟؟
زاهيه:الف مبروك تتربى بعزك .
زاهيه:عن اذنكم مهدي جا .
مر الوقت وصار مهدي يغيب عن البيت كثير بحكم عمله .
وبعد فتره طويله تعبت زاهيه تعب شديد جدا ودخلت المستشفى
واكتشفت انها حامل لكن ماقالت لا اي احد وحبت تحتفظ في الموضوع ل نفسها وبعد فتره لاحظت عليها ام مهدي التعب وسآلته يازاهيه انتي حامل ؟قالت زاهيه لا .
مشت الايام وبعد فتره دخل مهدي على زاهيه وطلب منها تاخذ اغراضها  عشانه بتقعد عند اهله فتره لان هو عنده شغل ويمكن يستغرق وقت كثير ،سوت زاهيه اللي طلبه مهدي منها وراحو ل بيت اهل زاهيه وقبل ماتنزل زاهيه مسك مهدي يدها.
مهدي:استودعتك الله اللذي لاتضيع ودائعه.
ابتسمت زاهيه.
مهدي:اخيرا ابتسمتي توقعت اموت قبل ماشوف هذي الابتسامه .
زاهيه:ههههههههههههههههههههههههههههههههههههههههههههههههههههه.
مهدي:احس عندك شيء ماقلتيه لي !
زاهيه :زي ايش مثلا ؟
مهدي:مدري في شيء تبغين تقولينه لي ؟
زاهيه: انشاءالله مايكون فيه .
ضحك مهدي :ترا انا رايح .
زاهيه:لاتقول انا رايح قول انا بمشي .
ابتسم مهدي وترك يد زاهيه ونزلت زاهيه ونزل مهدي اغراض زاهيه حضن مهدي زاهيه انتاب زاهيه شعور الخوف شديد وحست زاهيه نفس الشعور لما راحت لبيت عايض عشان تعطيه الشماغ .
زاهيه :مهدي ؟!
لف مهدي :يالبيه ؟
زاهيه:تكفى لاتخلينا.
ضحك مهدي:شفيك بسم الله عليك اخليكم انتي ومين؟؟؟
زاهيه:مهدي انا حامل .
شال مهدي زاهيه ولف فيها، ضحكت زاهيه بصوت عالي .
مهدي:انشاءالله ماخليكم شفيك انتي انشاءالله اني راح اجيك ونفرح بمولودنا على خير .
زاهيه :انشاءالله.
دخلت زاهيه البيت ،قالت لاهله انها حامل .
فرحت ام سعود كثير وبنفس الوقت انتباها شعور الحزن .
قام ابو سعود ودخل الغرفه وبكى فيها .
هادي:خال وعم واب باقل من سنتين ماشاءالله.
سعود:اي والله ماشاءالله.
قامو البنات يسولفون .
قام مهران الصغير وراح ل شمال كانت شمال جالسه وبحضنها شيخه جالسه ركب مهران على الكنبه وقام يبوس بنت شمال على يدينها .
شمال:والله ياماما انك مخققه ولد عمك .
جميله:استنى ياماما لاتستعجل يمكن زاهيه اجيب احلا منها .
ام سعود:يمكن تجيب لك زاهيه خوي .
مالك :او خويها!
هادي وسعود يناظرون لبعض ويضحكون
ضحكوا جميعًا.
زاهيه:مالك اهدى من كذا.
ضحكوا جميعا .
وبعد العشاء نامو جميعا الا زاهيه اذن الفجر عليها وهي صاحيه .
كانت تفكر كثير بكلام مهدي وطريقتها وكيف تعامله معها.
قام ابو سعود عشان يروح لصلاه الفجر وهو طالع دق جواله .
ابوسعود:الو
ابو مهدي:السلام ورحمة الله وبركاته.
ابوسعود:هلا يامرحبا وعليكم السلام ورحمة الله وبركاته.
ابو مهدي كان منهار ويبكي .
ابو سعود:يارجل وش فيك عسى ماشر؟
سمعت زاهيه صوت ابوه مرتفع وطلعت تشوف وش فيه مع العلم ان زاهيه وابوه مايتكلمون مع بعض من ذيك السالفه .
ابو مهدي:ولدي بطل يابو سعود وعظم الله اجرنا فيه .
طاح ابو سعود وركضت زاهيه عليه صرخت زاهيه كانت تعبي البيت قامو اخوانها وحريم اخوانها جا هادي يركض كانت زاهيه على الارض وابوها بحضنها نايم وزاهيه تصحيه .
ركضو ووده هادي المستشفى .
الدكتور:عادي طبيعي جدا نزل عنده الضغط.
جميعًا:الحمدلله عدت على خير .
دخل هادي على ابوه وساله السوال الوجيه .
هادي:يابه وش قال لك ابو مهدي ؟؟؟؟؟؟؟
ابو سعود:مهدي توفا ياعايض.
هادي:يابه انا هادي مو عايض.
ابو سعود :هذي حوبته ياليتني ماكسرت قلبه شف الدنيا دارت وقلب بنتي بينكسر مره ثانيه المره الاولى مني والمره الثانيه بعد مني .
هادي:لاتقول كذا يابوي هذا قضى الله وقدره وهذا طريقنا كلنا والله يعينها المسكينه .
رجعو البيت وكانت زاهيه جالسه جا ابوها وجلس عندها .
ابو سعود :انا اسف مرتين !
زاهيه:المره الاولى اعرفه والمره الثانيه ؟؟؟
حط ابو سعود يده على بطن زاهيه .
ابو سعود:مهدي اعطاكم عمره انتم الثنين .
شهقت زاهيه :وكان الشهقه هذي تعبر عن مابداخله .
وبعد فتره طويله،ولدت زاهيه وجابت بنتها.
(قمر بنت مهدي آل غادير)
وبعد فتره من علاج سعود وبعد مراجعات كثيره والتزام سعود بكلام الدكتور الحمدالله تعافى وصار كويس جدا ويقدر يكمل حياته طبيعي .
قامو عائله آل غادير بالحرب على عائله آل بسول:عشان قمر بنت مهدي .
عائله آل غادير :هذي بنت ولدنا الكبير واحنا احق منكم فيها.
عائله آل بسول:هذي بنتنا الوحيده وحفيدتنا ماراح تاخذوه كان ودكم تزروكم كل شوي ماعندنا مشكله .
كانت زاهيه متعلقه جدا با قمر وكانت تتأملها .
سمع عايض انو زاهيه جابت بنت ،فرح عايض لها كثير .
عائله آل غادير :احنا عندنا حل يرضيكم ويرضينا يتزوج حفيدنا عايض بنتكم زاهيه ونوقف الخرب هذي .
ام عايض:وقفو هذي الحرب بكل الاحوال انا الخسرانه بالاول اخوي والحين تبون ولدي لا .
رفضت زاهيه هذا الزواج رفض شديد وعايض كذلك وقاله عايض من اقتناع .
قامو عائله آل غادير بجمع جيوشهم وعيالهم وتوجهو على ديره سنمار .
قابلتهم عائله آل بسول قبل مايدخلون عليهم .
آل غادير:طلبنا نحل الموضوع ودي بس انتم ماتبون .
آل بسول:بنتنا وحفيدتنا ماتاخذونهم .
كانت زاهيه خايفه وتحضن بنتها داخل عليهم عايض عشان يقول لهم يقفلون الابواب وشاف زاهيه .
عايض:كيف حالك يام قمر ؟
زاهيه :بخير يامال الخير ياعايض .
عايض:وش تحسين فيها الحين ؟؟؟
زاهيه:بخوف وحرقه قلب بنفس الوقت !
عايض:ايه نفس الشعور اللي حسستيني اياه يوم اخذتي خالي .
زاهيه:اه بس.