جِلدُ أفعى

الحلقة السابعة

جِلْدُ أفعى
للكاتبة مجهولة ...
الانستا i_dont_know_0290

"فضلا ⭐ لا تنسوها، متكلفكم بس تفرق عندي"

🔞الي قلبه ضعيف من اليوم لا يقرأ البارتات الجاية بالليل و أبتداءاً من هذا البارت، لا تقرونه بالليل اذا تخافون 🔞 سمّوا بأسم الله و أبدأوا ..

ــــــــــــــــــــــــــــــــــــــــــــــــــ

يا ترى الاشخاص مع الضروف يتغيرون؟ شلون راح يكون التغيير؟ للأسوء؟ للأفضل؟ و ليش؟ ..

دائما نَكْبات الحياة تعلّم و تغيّر و ممكن توعّي الأعمى و تعمي الواعي، زين اذا كان الشخص اعمى مو واعي؟
شنو ممكن يصير بي؟ مو شرط اذا كان مو واعي يعني طفل، لا على العكس اكو اطفال واعيين جدا و ايضاً كبار جاهلين جداً في كل شي او عالأقل جاهلين بالحياة و بمسؤولياتها و ماخذين الحياة طول بعرض دون ادنى اهتمام للاشخاص المسؤولين منهم و عليهم .. بالضبط اقصد "الأنانيين" ،من همَ الأنانيين؟ ليش نطلق لقب اناني على شخص عايش حياته براحته؟

الاناني الي يعيش حياته براحته على حساب راحة الأخرين سواء كانت راحته تضرهم او لا فالأناني يفضّل نفسه عالكل دون تمييز بين الاشخاص بقلبه لان همّه نفسه و ارضائها لأقصى حد ممكن يوصلّه،البعض يگول اي انا اناني اهتم بس بنفسي كـ دليل على قوته او لا مبالاته بس لو يرجع لنفسه و يكون صادق وياها راح يلقي نفسه مو اناني انما يغلّف نفسه بهالغلاف حتى يبين مدى قوته و عدم اهتمامه بس هم مستحيل يرتاحون بمقابل سلب راحة الآخرين، ممكن يفضل نفسه على غيره و يقدم نفسه على غيره و هالشي وايد طبيعي عند الاشخاص بشكل عام بس تتكلّم عالشخص الي انانيته مو بس تضر الناس حوله انما تدمّر حياتهم و نفسيتهم و الي راح ياذيهم نفسياً و جسدياً دون اي ذنب يبدر منهم، و ماكو اناني يعترف بنفسه و يقول انا اناني لان ميحس بأنانيته او انُ تصرفه غلط، اكو احد گال على نفسه أنّهُ اناني و فعلا بي هالصفات؟! ...

بابا كان من النوع الأول الي ميعترف باحد .. يدمّر، يهدم، يضرب،يأذينه نفسياً و ما بيّن يوم انُ هو ندمان ابد و لا بدر منه اي اعتذار، ممكن لو عاش ويانه و اكتشف حب زوجته و اطفاله اله راح يحبنه مثل ما نحبه بس بابا قوقع نفسه و عزل نفسه عنّه وايد بحيث صار يكرهنه و يتجنبنه خصوصاً وره اخر فتره من جدي خرّب زواجه ..

كنت متأمله افرحه بنجاحي عالاقل ترجع شويه بواقي من بابا القديم من كانت الحياة وردية بعيوني ولو القليل وايد كافي بس صدمتني الاستاذه كنعاني و هي تگلي بالنظام وانا كل فكرة و امل بداخلي تحطّم بأنُ افرح بابا
بهالنجاح ..

باوعتلها باستغراب:
-شلون ست هي هاي كانت اخر سنة و لازم اروح اعدادي بعد

ردت بهدوء:
-لا حبيبتي سوّو نظام جديد و ضافوا صف اسمه سادس ابتدائي و غيروا النظام القديم حتى الكتب غيروها