جِلدُ أفعى

الحلقة الخامسة و الثلاثون

"جِلْدُ أفعى"
للكاتبة مجهولة ...
الانستا  no_one_0290

فضلا ⭐ لا تنسوها و متكلفكم بس تفرق عندي و علقوا بين الفقرااااات ❤️

ــــــــــــــــــــــــــــ

دائما كل شخص لازم هو ياخذ قراراته بنفسه سواء علمية، عملية، او شخصية، اي قرار يخصه كـ بشر لازم هو يتخذه بأرداته او عالأقل اذا مو هو الي يقرر لازم ما يكون مُجبر على قرار يتخذه احد عنه لان لو الانسان اخذ القرار بنفسه و يطلع قراره غلط راح يلوم نفسه او ياخذ درس بالحياة بسبب هالقرار بس لو القرار احد اخذه عنه و جبره عليه راح يضل ساخط عليه دائما و يحمله اللوم على مدى سوء هالقرار ،ابسط مثال مشكلتي حالياً ..

بابا و ماما قرروا عني كأنُ انا ما الي رأي او وجود و هم الي يقررون حياتي بكيفهم و انا لازم ارضخ و اقبل بقرارهم،لو مثلا همَ مختارين شخص و انا اوافق عليه راح يكون افضل من انُ هم يختارونه و يجبروني عليه ..

اسأل نفسي ليش دوم يگلولي راح تعتادين عليه و هم بنفسهم محد معتاد الثاني رغم بينهم عشرة عمر و تلاث جهال؟ طول هالسنوات بابا ما اعتاد امي و امي ما اعتادت خيانات بابا ليش هسه جايين بكل جرأة يگلولي تعتادين عليه؟! معقولة بابا الي كان يوگف بوجه جدي و دائما مطلع نفسه المضلوم و المسكين الي حياته تدمرت بسبب قرار جدي هسه صار مثله؟ زين هل ممكن انا من اكبر اصير مثل شخصية ماما و بابا؟ بابا كان يكره شخصية جدي و هسه هو مثل تصرفاته و اسوء، عالاقل جدي عنده قلب رؤوف مو مثل بابا كأنه شلع قلبه و صاو يتصرف بدون تفكير بينه او تحسّب لقرارته الي ممكن تضرنا ...

كنت امشي وراه مسلوبة القوة و عيوني مغرغرة دموع، خدي يلسعني من قوة الضربة و بابا يجر بيه حتى التقي بـ زاهاك خطيبي المزعوم، كان هو يمشي بثبات بخطوات سريعة غاضبة و انا وراه قلبي وجسمي يأذني بحيث ما اقدر اركز و نبضات قلبي توجعني بسبب بابا، ليش هيج يسوي وياي؟ لأي مدى هو يكرهني؟

دخلت للاستقبال وكان عمي جلال گاعد على صفحة ومقابيله زاهاك بملابس سود و وجهه ابد مو راحة ما حبيت لا شكله ولا حتى نظراته ،نضراته دائما مستهزئة و شكله مو محبوب ابداً يخلي المقابل ما يرتاح من شكله كأنه عنده نزعة من الذكورية و التسلط الذكوري و التكبّر  ..

بلعت ريقي بتوتر ،وگفت باب الاستقبال بس ابوي سحب ايدي، مشيت كم خطوة وگعدت عالقنفة و انا كارهه الجو كله، گال عمي جلال:
-اي و هاي جواهر اجت

رد زاهاك ولأول مرة اسمع صوته:
-أهلا بيها

ابوي گال بهدوء:
-هاي بنتي من وافقت وانطيتك ياها اريدك تصونها وتخليها بعيونك واذا يوم من الايام رجعتلي زعلانة امحيك نهائيأ ،وصل كلامي؟