جِلدُ أفعى

الحلقة الثامنة و العشرون

"جِلْدُ أفعى"
للكاتبة مجهولة ...
الانستا i_dont_know_0290

"فضلا ⭐ لا تنسوها و متكلفكم بس تفرق عندي
و يحبذا لو تعلقون بين الفقرات حتى اسمع آرائكم"

ــــــــــــــــــــــــــــ

الرجال ...الرجال بشكل عام عندهم تقدير للذات بشكل يفوق الحدود مثل ما يگول المثل "القرد بعين أمه غزال" و الام اذا ابنها عينه سودة تشوفها زرگة، كـ مثل يعني ... فالرجال هم اصلا يشوفون نفسهم انهم اكبر من امكانياتهم و يعتقدون انُ فضل من عندهم لو حبوا بنية و هالبنية لازم تحبهم و ما عندها خيار ثاني لان هم وايد هواي بالنسبة الها مثل ما گلت مقدرين نفسهم اكثر من اللازم، مثلا خالي عباس جابها من يوم يومه يحب خالتي فرات، خالتي فرات اغلب الاحيان تعيش في بيت اخت امها يلي هي جدتي الثانية و لان هيَ كبيرة ما الها مُعين فـ خالتي تگعد يمها تداريها، عمي عباس يموت عليها و كان بباله راح ياخذها و بسبب تقديره لنفسه ما راح يشوف عيوبه و اسباب رفضها اله هذا اذا كان عنده عيوب اصلا بوجهة نظره ...

الثقة بالنفس حلوة بس التصالح مع النفس احلى ،لازم الشخص يعرف و يعترف بعيوبه و يحاول يصلّحها و يحسّنها بس اذا كان ما شايف عيوبه و لا يعترف بيها كيف راح يحسن نفسه و شخصيته؟ كيف ممكن يصير انسان زين اذا ما اعترف بعيوبه؟ اغلب الرجال بالمجتمع بسبب تربيتهم و نشأتهم و تقدير اهلهم او المجتمع الزايد الهم يخليهم يشعرون بغمامة وهمية من الثقة بالنفس و يعتقد نفسه هو سيد الكل و هو الافضل و طبعا على صعيد النساء فقط مو الرجال ...

خالتي تعرف بأمي و شنو معاناتها و تعرف سوء خُلق و طبع بابا و عمي عباس و كل عمامي قاطبة ما يختلفون عنه بالطبع و عمي غياث لو ما يحب عمتي ناهيد كان هم اتبع مسار بابا بكثرة العلاقات و الخيانة بس هو لأن يحبها ما يخونها مو لان تلزمه اخلاقه ودينه، و اغلب الرجال هيج و هذا طبع سيئ و بعض البنات يعتبرنه فعل مثالي، مرة سمعت عمتي فرات تگول:
- "اخذي الي ما يخونج بسبب دينه و اخلاقه مو لأن يحبج ، الحُب بيوم يُفنى و يبقى بس الاحترام و المودة و الرحمة وهالصفات موجودة بس عند حسن الاخلاق مو عند الي شافج و حبج"

تعلمت شغلة من خالتي فرات يلي الله اعلم يمكن فعلا تحب عمي عباس و بيوم امي قنعتها تاخذ عمي عباس گلتلها خالتي:
- "المؤمن لا يُلدغ من الحجر مرتين" ،يعني انتِ جربتي آرتام و من يوم زواجج لحد هاللحظة حسيتي بيوم فرح؟ او ساعة فرح؟ او دقيقة فرح؟ ليش اقبل بـ عباس؟ الحب شي و الزواج شي ثاني

استنتجت من كلامها انُ انتَ ممكن تحب بس هل الشخص الي تحبه كفوء انُ تتزوجه و يكون شريك حياتك؟ هل شرط الشخص الي تحبه يكون مُقدر الك؟