بارت ١٠ من قصة "قـسَـر الـرواسَـن
رواسن ... بـهـاااء
ندار عليه وميل راسة بأتجاهي همس .. أمري
كتلة .. وين الشغل الي كتلي ،عليه !
رفع حواجبة ودار وجهة بضوجه ورد .. رواسن شتسوينن بالشغل ليش تحبين التعب ؟
-لا تنسى اتفاقنه
تقرب يمي سحب الكرسي، كعد واشرلي اكعد
كعدت وكال .. شنو جان حلمج من، انتِ صغيرة؟
صغرت عيوني بملل وكتله .. هسة شدخل ،هاي بهاي
-جاوبيني وانا اكلج شدخلها
رجعت ضهري ليوره وكتله .. ماعندي حلم
عمد حواجبه .. مامعقوله بذات أنتِ أبنية والبنات تكون أحلامهم هواي وطموحات
ابتسمت .. اكبر حلم عندي اعيش بأمان بعيداً عن انسان متسلط يخنكني ويحط لسلاح براسي وبعيداً عن عصام ونجوى اريد اعيش وحدي بيت صغير ع كدي اطلع اشتغل اوفر لكمه حلال إليه بدون ما واحد يتحرش بيه لو يطلبني زواج مُتعه هاي احلام رواسن ..
تنهد وضل يباوعلي وأيده جوه حنجه كال .. اعيشچ احسن من هاي العيشه بعد انسي عصام ونجوى ولا كأنما عرفتيهم بيوم واذا ع بيت اشتريلج اليعجبج وبأسمج همات والبي خير يتقربلج أنتِ صرتي شي تابع لبهاء الدين صعب واحد يوصله أو يتعدى عليه
ف اطمني عيشة الامان الي ترديها كلها اوفرها الج ..
ضحكت بستهزاء .. بهاء عيشة الامان الي اريدها بعيده عنك مو بقربك
كام يدك بالسويج ع طاوله وكال .. ماكو امان بعيد عني امانج بحضني وكبال عيني
باوعتله صفح ودرت وجهي واني العب بشعري
وهو صافن عليه رجعت باوعتله وكتله .. هسة شصار ع شغل ترى اني ماكدر اعيش هيج انام وارجع انام انام وارجع انام
رد .. ما كلتيلي حلمج شنو
نترت .. ماعندددي حلم هييي ضلت احلام وطموح بداخلي
هز رأسه .. لا تنترين مره ثانيه حبابه يحلوه لا اكسر اسنانج بحلكج
درت وجهي عنه وهمست .. عشتوو
ضحك ودار وجهة مايريد اشوفه يضحك وهو فلتت منه الضحكه
بهاء.. زين مامتخيله نفسج فديوم شي بالمجتمع أو ماشفتي فد وحده كبالج خريجه وطمحتي تصيرين مثلها ولله إذا جاوبتيني من العصر اوفرلج الشغل الي يعجبج
ضليت اباوعله بتفكير تقريباً خمس دقائق
وكتله .. صيدله ولا تسألني ليش ماحب احجي بهذا الموضوع
هز رأسه .. تمام زين ليش ماتحققين، حلمج؟
عدلت كعدتي .. شلون يعني
- ارجعج، للدراسة
أشرت ع نفسي بأستغراب .. اناا؟ وين يتقبلوني
أنت تقرأ
قسر الرواسن
Romanceكلما اخرج من كآبتي ، يصدمني الواقع بأشياء تعيدني إليه ، كانه كتب عليا أن أعيش بهذا الاكتئاب القابع بصدري ، لا احد يعلم معنى أن تغادر غرفتك بحثً عن هواء نقي يعدل من مزاجك المضطرب ، حتى تأتي وساخة البشر فتعيدك إلى غرفتك المظلمة ، كأنهم يقولون لك نحن أ...
