من قهر سيُقهر، ومن ضر سيُضر، ومن ظلم سيُظلم، ومن عاب ابتلى، فإن الله يمهل ولا يُهمل ."
وعن الامام علي ( عليه السلام ) :
(أذا دعتك قدرتك على ظلم الناس فتذكر قدرة الله عليك).
بارت -24- من قصة قـسَـر الـرواسَـن
.
.
.
.
.
رواسن .. فتحت عيوني بالمستشفى المغذي بيدي واحس راسي، يريد يطك ضغطي ماقابل ينزل معلك
بعد ماسمعت وفاة جوان انا نمت بالمستشفى
الم بكلبي مو طبيعي واحس بتأنيب الضمير اتجاها
بجيت بونين ،وانا اتذكر ضحكتها وسوالفها الحلوة ومشاركاتها بالمدرسة ومن تغششني ومن تحشش ع ست جليلة
شهكت بصوت وخليت، ايدي ع وجهي انفتح الباب دخل بهاء وكف مقابيلي وايدة بجيوبة وماحجه ولا كلمة بس مدنك
وانا اشهك من البجي ،وكُل ذكرياتنه تمر كبال عيوني
من يوم الشفتها بي لاحد اخر نظرة بيناتنه وهي خايفه ومرتعبة وشفايفها ترجف من الخوف وسن يطك بسن
سحب الكرسي، وكعد كبالي وخر ايدي عن وجهي
وصار يمسح بدموعي ويعدل بشعري وانا بس ابجي
همس .. الله يرحمها وحقها بركبتي اخذه الها اخذه
وحالياً هي محتاجه، الرحمة كومي ع حيلج صلي صلاة الوحشة واقري قرآن الروحها
شهكت حيل، ورديت بصوت مبحوح .. بهاء مداصدك ماتت بهاء ضميررري ديأنبني كُله من وراي انتَ كتلي هاي امانه، وانا ماصنت الامانه بهااااء ماتت من وراي لو مانعتها عنه غصب، جان ماصار الي صار بس انااااا جبانه جباااانه
حط ايدة ع حلكي وكال .. لا رواسن انتِ سويتي الي عليج حاولتي ،وياها بس هي كانت رافضة وماتقنع شنو الي بيدج بعد وهسة مايفيد الندم هي راحت للاحسن من عدنه ولازم احنه ندعيلها بالرحمه البجي وتأنيب الضمير مايرجعها
- بهاء ذكرياتنه، مدروح من راسييي شكلها عالق هناية
واضرب ع راسي وابجي
حضني ،حيل ويوخر ايدي عن راسي
ويهدء بية .. رواسن وداعتج وداعت المرحومه مايضيع حقها ،
ندك الباب ،عدل وكفته وكال .. ادخُل
انفتح الباب ودخلت ،ميسم توجهة اليه ركض حضنتني وتصبر بيه وانا ابجي واسولفلها عن جوان وهي تهدء بيه وتاخذني ع كد عقلي
ظليت ٣ ايام ،بالمستشفى يالله نزل ضغطي
وانا مستمرة ابجي وحيلي مهدود والليل كُله اتذكر كلامها وخوفها، قبل لا تموت واضل اشهك واحجي وياها بيني وبين نفسي
اخذني بهاء البيته، يوكلني ويحجي وياي ويحاول يقنعني انا مالي ذنب وسويت الي عليه ،بس عقلي مدايقنع وافكر لو مهددتها احجي الاهلها ومانعتها عنه او لو فاضحه الاستاذ بالمعهد واخلي حلم يوصل الهذا المعهد
ووووو الخ ...
هواي اجت افكار ع راسي، وتندمت لان ماسويتها
وارجع واحمل نفسي المسؤليه ،جنت كاعده ع جرباية ومرجعه راسي ليورة صافنه ودموعي تنزل بدون صوت
أنت تقرأ
قسر الرواسن
Romanceكلما اخرج من كآبتي ، يصدمني الواقع بأشياء تعيدني إليه ، كانه كتب عليا أن أعيش بهذا الاكتئاب القابع بصدري ، لا احد يعلم معنى أن تغادر غرفتك بحثً عن هواء نقي يعدل من مزاجك المضطرب ، حتى تأتي وساخة البشر فتعيدك إلى غرفتك المظلمة ، كأنهم يقولون لك نحن أ...
