قسر الرواسن

بارت 39

-ـلاا تسوُلفلي علئ حزنك انـي اميزڪ من مكاتيبك
ونَبرتڪ ، وُ المَلامح

بارت -39-

رواسن .. عشت حرب نفسية طول اليوم لا نمت ولا اكلت هسة يطب، وهسة يطب ولمن دكت الساعه بـ ٤ سمعت صوت سيارته لزمت كلبي
دخل شرب كاست ،مي وطب للصالة مبتسم راد يحجي وجان عينه تصير ع صورة !

جمد بمكانه ضل يباوع للصورة وجان يهمس .. منو حطها هاي منيننن

وكفت وكتله .. انا

عافني وتوجه ركض يريد، يشيلها وكفت كباله وكتله .. كافي لازم تواجه خوفك

دفعني رجعت لزمته، حيل زمخ .. وخرررررري ولج

كام يلهث وعيونه طكطكن ،قيدته بيدي
واهمس .. بهاء اسمعني بهاء بداعتي، بس اسمعني اهدء بس اسمعني وشيلها

سحب شعري حيل وضربني راجدي تحملت ومابتعدت دفعته، بأتجاه الخارج وهو مايدفعني لان اقل دفع منه اوكع بالكاع والكاع، مرمر قوي

دفعته للمطبخ وقفلت، الباب تعب هو كعد ع طاولة يلهث وهمس .. ليش هيج رواسن ليش تجيبيلي الاذية ولججج انا اياااام اعيش صراع وحرب نفسي بس علمود انسى الحادث وأنتِ تجيبلي صورتها كبال عيني

كمشت وجهة بيدي دفعني حيل كل قوته رجعت ع كاونتر كمشت بي وهو نتر .. وخري رواسن لا أذيج اكثر وتالي تجين تلوميني وتزعلين لأن أذيتج امشيي لغرفتج يله

ماسمعتله رجعت تقربت حضنت راسه دفعني رجعت حضنته اقوى وكمت ابجي واهمس .. حبيبي لازم تواجه خوفك لازم تتعود ع صورة امك بالبيت، وسيرتها واسمها حتى تتعود ع وضع وماتضل بس تشوف صورتها تنهار انا مايهون عليه اشوفك هيج متعذب ، لمتى تبقى هيج ليش تهرب من مواجهة حقيقه امك خلي الامرر طبيعي بهاء عااالج نفسك ارجوك عالج نفسك ساعدني وخلي نتعدى خطوة خطوة باجر عكبة يصير عدنه اطفال اكيدد، راح يسألوك عن امك تضربوهم تأذيهم لان حجوا شي من حقهم يعرفون !
ليش نبني بداخلهم، فضول اتجاه معرفت حقيقه امك ! ليش مانخلي الامر طبيعي نحجي بحنيتها وجمالها وايامها ،ويه والداك وهم انتَ تتقبل الوضع وهم اولادنه بالمستقبل مايصير عدهم فضول اتجاه امك بهاء ساعدني، ارجوك بهاء اذيتني اكثر من مرة بسبب هل شي وانا ماكلك تعبت لا بعيوني احطك لكن باجر عكبه يصير عدنه اولاد تأذينه كُلنه !

هدء بحضني، بست راسه وهمست .. تبقى الصورة بالصالة

هز راسه بـ لا تنهدت، دنكت بسته وكتله .. لا تبقى حتى نتخلص من خطوة مهمة وهي مواجهة ماضيك وتتعود ع صورة امك وسيرتها

دفع ايدي عن ايده رجعت كمشتها حيل
همس .. ماكدر

رديت .. لا تكدر انتَ الي عديت ٢٥ سنه ،سندت نفسك واجهة كلام الناس انتَ عديت اصعب شي بهاء تعديت سنين لو ما ساند نفسك جان وصلت لمراحل صعبه وهي قتل النفس والجنون وان تمشي بطريق الحرام
والسايكو التلذذ بالتعذيب لان عشت بوحدة وكلام الناس هدمك وحالتك النفسية فوك الصفر ،ومنا توفه والدك بقيت وحيدك ورغم كلشي وكفت ع حيلك بنيت كيان وشخصية النفسك الكل يحترمك
وتتمنى رضا ربك بكُل خطوة تخطيها
بهاء هاي الخطوة سهلة وبنفس الوقت مهمة ممكن تعالجك 60% من الي دتمر بي ماتحاول علمودي وعلمود اطفالنه بالمستقبل !