وتصيح عليها الأشلاء
ويموت الخوف.. يموت الزيف.. يموت القهر
ويسقط كل السفهاء
لن يبقى سيف الضعفاء
بارت -29- من قصة "قـسَـر الـرواسَـن"
نفتح باب المطبخ عرفته بهاء طبيت للمطبخ، بدون ماانتبه منو ويا كتلة .. هلاوو بها
جان اشوف ورا ابنية لابسة ،قاط رسمي وشعرها رافعته ذيل حصان ومكياجها مثل هذني الشخصيتهن قوية ،راسمه عيونها وحمرة جوزية طوووخ وكفتها مدروسة تبين من بعيد هي صاحبة شخصية قوية ورزنه
التفت الها بهاء وكال .. رواسن، زوجتي
ابتسمت ومدت ايدها الي للسلام وكالت بصوت رزن
-تشرفج بيج مدام، رواسن
والتفت الية وكال .. رواسن اعرفج ع سُندس ،مديرة شركة الـ*** اكيد سامعه بيها
هزيت راسي ورديت، الها السلام وكلتلها .. الي الشرف حبيبتي نورتينه
جنت بس اريد اشرد لان لابسة، تراك مال نوم وشعري لافته بقلم ولابسة طوق ابو كرون وبيدي كتاب الفيزياء احس كبالها بالانحراج و بهاء ماكال راح تجي ويا
انتبهت ع بهاء من كال .. حبيبتي، رواسن ولو زحمة عليج بس قدمي الضيافة
هزيت راسي .. تدللون، من عيوني
طب هو وياها للصالة وانا ماعجبتني ،الوضعيه مدري ليش ضجت نوب قدمت ،الضيافة واباوعلهم كاعدين بصف بعض وعيونهم بالابتوب ويردون معلومات واحد للثاني ،ردت اطب لغرفتي بس تراجعت ضليت كاعدة يمهم وعيوني بالكتاب واباوعلهم ،من جوة ليجوة
يحجون وبينهم نوع من ،الميانه بس مو كلش قوية وانا احس كاعدة ع نار ،كلساع انزل الكتاب اباوعلهم ونوب ارفع الكتاب بنترة
وانتبهت لحركة صارت، صدفة هم ماركزوا بس انا عيوني وياهم ،هو راد يدوس حذف بالابتوب وهي هم رادت دوس وجان تصير ايدها فوك ايدة وابتعدت عادي كأنما شي طبيعي وانا اذا طخني بهاء بالغلط اكوم ارعص ويصير وجهي، كركمي وماعرف اربط كلمتين سوية واضل اعثر بالغراض واحرك الاكل امداني اي ولله
طنكرت وصارت عيوني بكصتي ،وهي سالفة ربع ساعه وكفت شالت جنطتها مال اعمال ومدت ايدها سلمت ع بهاء بالايدين ،وطلعت وصلها بهاء، للباب ورجع للصالة اول مادخل كتلة بنترة .. هااي شنو وين اهلها عنها مخليها تدخل بيوت الناس، وحيدها
رفع تك حاجب وكال .. من جنه صغار احنه جيران و تربينه سوية بس من كبرنه ،تفارقنه وحالياً تصادفنه قبل فترة وجانت محتاجتني بشغلة وخلصتها الها
باوعتله صفح .. وشنو هاي، الميانه
رد .. يا ميانه هي تذكرت سالفة قديمة ،وانا ابتسمت قابل افشلها
-هاا والسلام الي بالايدين
كال .. مديرة اعمال لازم يكون، سلامها هكذا
أنت تقرأ
قسر الرواسن
Romanceكلما اخرج من كآبتي ، يصدمني الواقع بأشياء تعيدني إليه ، كانه كتب عليا أن أعيش بهذا الاكتئاب القابع بصدري ، لا احد يعلم معنى أن تغادر غرفتك بحثً عن هواء نقي يعدل من مزاجك المضطرب ، حتى تأتي وساخة البشر فتعيدك إلى غرفتك المظلمة ، كأنهم يقولون لك نحن أ...
