كون تشوف حَالي شگد إلَك مَلهوف .
بارت -33-
رواسن .. راسي احسه ينزف واكعه ع كشن اباوع للسائق كام يرفع براسة همست .. عموو
رد .. هااا عموو بنيتي خو مابيج شي بابا
رديت بلسان ثكيل .. عمو راسي ينزف، راح اموت
كام يضرب بالباب يريدة ينفتح ماينفتح كمت اسمع صوت ناس التمت علينه وصوت الشرطة بس ماشوف شي لان متمددة ع كشن وراسي ينزف
وجان اسمع صوت بهاء يصيح رفعت راسي بثكل اباوعلع مايخلونه يدخل محاوطين المكان
ورا حيدر طلع بهاء جنسيته وجان يدخلونه بس هو
رجيت راسي ع جامه وادفع بالباب اريد انزل
سمعت بهاء يحاول يدفع بالباب ويصيح .. رواااسنننن تسمعينيي باباااا خو ما فااقدة روااااسن
رفعت ايدي اطمنه وهو سكت كام يدفع بالباب لمن فتحه وانا جنت مرتجية ع باب وهو محضر نفسة راح اوكع علمود يلزمني لان الباب الثاني صاير علج مضروب بالرصيف
فتح بهاء الباب وكبل وكعت وهو شالنه كام يمسح بوجهي عن الدم ويهمس .. رواسن سمعيني صووتج انتِ زينه
رديت .. اممم اي بس راسي
سمعت صوته حيدر يصيح .. هااا بهاء خو ما صايرة من جهة الرصيف
رد بهاء .. لاا الحمد لله ،غير لو كاعدة من الجهة الثاني جان اسم الله صارت علج وية الرصيف
فتح حيدر باب السيارة ،صعدني بهاء وصعد بصفي وحيدر يسوق والسائق كاعد بالصدر هم يون من راسه وحيدر يصبر بي
وبهاء كامش ايدي ،يبوس بيها ويهمس .. حبيبي مابيج شي مو لا تخوفيني عليج بس هذا الجرح لو يوجعج بعد شي
ضليت ساكته ،وهو يمسح ع شعري وحاط كلينس وضاغط ع راسي علمود يتوقف الدم
والسائق كذلك بس متضرر براسه وصلنه للمستشفى
انا خيطوا، راسي بس السائق لا بس عقموا اصابتي اقوى من السائق لان الضربة اجت من ورة وانا انضربت حيل بالجامه الحمد لله ماداخله شضاية
الحادث عدّ ع خير
طلعنه من، المستشفى صعدنه بسيارة حيدر بهاء ماجايب سيارته وصلوا السائق بالبداية وجان حيدر يدور وجهة ع بهاء وكال .. ها بهاء خابروك ع سيارتك مال الحادث
هز راسة .. اي كملت الاجراءت
- وابو، الجارجر شصار بي
تنهد بهاء وكال .. توفه الله يرحمه بس اهله يتحملون ذنبة تدري، حيدر شكد عمرة !
- بالعشرينات صغير ؟
رد .. تؤ عمرة ١٧ سنه
دار وجهة ،حيدر ع بهاء بصدمة وصاح .. اللللله عليك
أنت تقرأ
قسر الرواسن
Romanceكلما اخرج من كآبتي ، يصدمني الواقع بأشياء تعيدني إليه ، كانه كتب عليا أن أعيش بهذا الاكتئاب القابع بصدري ، لا احد يعلم معنى أن تغادر غرفتك بحثً عن هواء نقي يعدل من مزاجك المضطرب ، حتى تأتي وساخة البشر فتعيدك إلى غرفتك المظلمة ، كأنهم يقولون لك نحن أ...
