أفكر .. و أُدرك
أن هذا الحزن حقيقة
و أن هذة المشقّة أسلوب الحياة، و أن للرحيل
وجهًا آخر أسمه (النجاة)
وان الصمت يولّد الاكتئاب ويزيد الضغينه
و أقرر أخيرًا.. أن ابكي،
بكاء سنين من الوجع
بكاء من أدرك للتو المه .
بارت 46
اباوعلها واباوع للموبايل بخوف منتظرتها تنطق لا يوصل بهاء
مسحت وجهة بخوف ،وهمست .. انتِ مو بت اختي انتِ امج رواسن نفسها حبيبه ابوج
ضليت صافنه بوجهة، ضحكت وكلتلها .. راح اركع راسج بالباب لا تصيرين سخيفه
هزت راسها فتحت، جنطتها وطلعت صورة لمرة تشبهني نسخةةة بطنها واصله لخشمها وبابا حاضنها من ورة ضليت صافنه ع صورة كلبتها جان مكتوب ومبين الكتابه قدددديمه حييل قديمه...
مريتي وبنيتي..
بلعت ريكي وكلتلها .. شنو هاي !
ردت .. الصورة كانت عند ابوج وهاي امج الحقيقه رواسن هنا جانت حامل بيج
ابوج جان يحب وحده والي هي امج بس اهلها ماقبلوا ينطوها وابوج تخربطت احواله كلب الدنيا وكام يتوسل بأهلها ينطوها وهمة ماقبلوا لان يعرفون هاي العائله ،شنو جدج الي هو ابو ابوج شاف ابنه مذلول وشلون ترك الشغل حس راح يضيع ابنه من ايده جبره يتزوج اختي، اسيل علمود ينسى ذيج ويرجع ابنه جوة ايده، لكن ابوج ماترك امج
اتفق هو وياها يشردون وامج ماتدري هو تزوج
فـ شردوا امج وابوج اتزوجوا ومحد يدري لا اهله ولا هي تدري انُ ابوج متزوج ،لمن حبلت امج اضطر ابوج يخبر اهله لان يريد يعقد محكمه ومن عرفوا كلبوا الدنيا كلاب وبنفس الوقت كانت اختي حامل وامج هم حبلت
فـ اختي بجت بجت وصيحت، وتعاركت وابوج كان يضربها ويهددها وهي حييل تخاف منه الله لايوفقه ان شاءلله عيشها برعب فوك خيانته
الكل تقبل الامر بس جدج، شرط الموضوع مايطلع بره العائله لان هو كبال الناس شريف عود مايريد يحجون بسالفه ابنه ع انو متزوج بسر المهم امج ضلت عايشه مثل الاميره، ماتدري ابوج متزوج لمن رحنه انا واختي اسيل وخبرناها ردناها تبتعد عن ابوج حتى يلتفت الاختي لان هي هم كانت ضحيه بيد ابوج عرفت وهي بشهرها تعاركت، وية ابوج لمن وكعت بأيده اخذها للمستشفى كالوا ولادتج متعسرة وخيروا ابوج لو انتِ لو امج فـ ابوج اختار امج بس ربج رايد ياخذها
توفت امج وابوج نسى، روحه وجن جنونه ضرب اختي اذاها حيل اذاها واختي سقطت
ماريد اطول القصة عليج، جبروا اختي تاخذج تربيج وتطلع امام الكل عود انتِ الطفله الي جانت حامل بيها سجلوج بأسمها وصرتي بتها رسمياً افتهمتي عرفتي حقيقتج ومنو انتِ هذا الجواب عن سؤالج ليش ابوج وعمامج مايحبوج لان انتِ بت الزوجه السرية لابوج واضافةً تختلفين بشكلج وتشبهين امج رواسن والعيون عليج كلها تكول ماتشبهكم بس جدج الشريف جان خايف ع نسله ويكللهم لا تشبهنه ويصيح كلما يكولون ماتشبهكم
أنت تقرأ
قسر الرواسن
Romanceكلما اخرج من كآبتي ، يصدمني الواقع بأشياء تعيدني إليه ، كانه كتب عليا أن أعيش بهذا الاكتئاب القابع بصدري ، لا احد يعلم معنى أن تغادر غرفتك بحثً عن هواء نقي يعدل من مزاجك المضطرب ، حتى تأتي وساخة البشر فتعيدك إلى غرفتك المظلمة ، كأنهم يقولون لك نحن أ...
