من لَم يَذقْ طعمَ العِراق فمالهُ
مِن قَهوة الإحزان غير الرائِحة!
مَن لم يَمتْ موتاً عِراقياً..
تُقَصّـرُ بالنِواح على ثَراهُ النائِحة
مَن ليسَ يقرأ بـ " العِراق "صلاتهُ
مَنقوصَةٌ، إِن العِراقَ الفاتِحةْ.
بهاء الديـن .. فتحت عيوني وجع بجسمي مو طبيعي باوعت محمد فوك راسي اول شخص استفقدته هي شصار بيها من بعدي
محمد،،،،،،الحمدلله ع سلامه سيدي
هزيت راسي وهمست بألم .. رواسن وينن
جان يدنك راسة وضل ساكت
حركتة فززت كلبي ،عدلت كعدتي
وكررت سؤالي .. رواسننن وين
همس ..سيدي هسة انتَ ارتاح و
بعدة مامكمل وصحت بعلوا صوتي .. شبيييييييهااااا ليشششش ماتحجييي، رواسسسسن شبيها محمد تحجي لا احرك المستشفى فوك راسك
-سيدي سسيدي اا المدام
-شبيهااا ترة فتت كلبي، احجيييي خلصني
كامت توجعني كلياتي غمضت عيوني بوجع واذني يمة
دنك راسه وهمس .. سيدي المدام تبرعت بكليتها الك
فتحت عيوني ع وسعهن فهة وجهي اريد احجي احس لساني انربط ،مادري شصارلي بس سمعت صوت صياح محمد والدكتور وروحي كلها يمها فكرت ماتت وتمنيت اموت وراها فكرت بالخسارة وحسيت خسرت روحي جنت بس اهمس .. ليش ليش سويتيها
مدري شصارلي فقدت لو نمت شوية ورجعت فتحت عيوني احس بالخمول، الغرفة هدوء بس صوت الاجهزة
رفعت راسي وتذكرت كلام، محمد عنيدة اعرفها عنيدة ومحد يكدرلها غيري ،رجع النفس ضاك عندي وعلت اصوات الاجهزة ،انفتح الباب دخل الدكتور يركض ويصيح .. ساااعد روحككك انتَ ليشش تأذي بنفسك تنفسس تنفسس عدل راح اصعد درجة الاوكسجين
دخل ورا محمد ،وكف فوك راسي واشوفة يبجي ويصيح .. سيددي عايشة ولله العظيم عايشة مابيها شي سيدي اذا صار بيك شي، هي هم تموت ولله سيدي املها بيك تكعد وتشوفك لا تأذي نفسك
سيدي افتح عيونك وشوفها حييل محتاجتك لا تصير انتَ والزمن عليها
ارتخت روحي وكمت اتنفس بهدوء والدكتور
يكُلة .. ايي احجيلة هيج عفيية عليك
كال محمد .. دكتور انتَ هم كلة ،مو انتَ الي سويتلها العملية
كال .. نعم زوجتك زينه وبكامل صحتها بس محتاجتك انتَ اخر كلمة كالتها الي قبل لا يبنجوها
"لو يحتاج كلبي هم اخذوا"
ضحت بروحها علمودك لا تكسرها
ضليت ساكت بس ،عيوني صافنه بالسكف وتكت دموع ،همست .. وينها؟
رد الدكتور .. زينه كلش زينه لا تخاف
طلع الدكتور وراد يطلع محمد صحتلة
رجع وكف فوك راسي كتلة .. احجيلي ليش خليتوها تتبرع بكليتها
رد .. سيدي بعدين احجيلك ،اهلك كلهم برة يردون يشوفوك
نترت .. عووووف هلييي، ولا تجر طول وعرض ترة كلش متحمل عليك حسابك وياي من استعيد صحتي
أنت تقرأ
قسر الرواسن
Romanceكلما اخرج من كآبتي ، يصدمني الواقع بأشياء تعيدني إليه ، كانه كتب عليا أن أعيش بهذا الاكتئاب القابع بصدري ، لا احد يعلم معنى أن تغادر غرفتك بحثً عن هواء نقي يعدل من مزاجك المضطرب ، حتى تأتي وساخة البشر فتعيدك إلى غرفتك المظلمة ، كأنهم يقولون لك نحن أ...
