قسر الرواسن

بارت 36

- صَرنا نخاف نتعۅد .❤️

بارت -36-

رواسن .. سحب موبايلي 

طفرت كتله .. بهااء شبيكك، يعني تفتش موبايلي

باوعلي بطرف عينه ،وفتح الموبايل رجعت سحبته حيل بس كمشه

لزم ايدي لواها، وكال .. احترمي نفسج لا اعاملج تعامل اهينج بي

دفع ايدي ورجع يكلب، بموبايلي وانا ،حطيت ايدي ع وجهي بهاء اذا شاف محادثات عصام راح تعلك بينهم

وصدك ولله جان يرفع بهاء وجهة باوعلي بخزرة
وهمس .. صاير حنين عمج مو صح

دنكت راسي، مارديت وهو يكلب بالمحادثه

جان يرجع يكول .. امممم خطيه باله يمج ومايرضاها عليج زوجج يخونج

رفعت راسي وبس، كتله بهاء
جان يطفر لزم فكي بأيد وحدة ضغط عليه
وهمس .. صايرة محادثات، بينج وبين عصام الكو** خير شنو يريد

لزمت ايدة بوجع احاول ،ابعدة عني بس هو صاك ع اسنانه واحس فكي راح ينكسر بأيدة تقرب من أذني وكال .. رواسن لا تختبرين صبري لا وربج احركج واحرك عصام الكو** وياج

دفعني بطرف ايدة ،وكف شمر موبايلي بالكاع فلشه تفلش ومشه بهدوء سحك عليه برجل وحدة ويباوعلي ببرود ،ماحجيت شي وهو عافني وطلع
تنهدت وحطيت ايدي ع راسي باوعت للموبايل
كمت طلعت الخط مابي شي بس مفلش شاشته ضربت كصتي اخخخ رواسن شنو قصتج وية الموبايلات مادري

تأخر بالرجعه للساعه بـ ٢ وانا منتظرته، بالمطبخ اول مادخل صرت بوجه عافني ومشة ركضت ورة صرت كبالة وكتله .. انتَ موو تكول، لا تحكمين ع ناس بسُرعه ليشش متنطيني مجال ابررلك

ضحك بستهزاء وكال .. شنو تبررين، اذا انتِ داكه حنج وية عمج

رديت بقرف .. عوووع وانا من شوكت احجي ويه عصام انتَ من، جد تحجي انا قبل لا اعرفك اقرف احجي ويا موهنوب هسة انا حجيت ويا اتصال وكعدتله دك غلط وسبق وكتلك اناا اثق بيك بس اي مرة تشوف هيج تصورة تثير غيرتها

رد .. رواسن عصام اذا سمعتج تحجين ويا طلقة براسج وبراسه انا من تزوجتج عميت عيوني عن عمامج واصلهم لكن ترجعين علاقتج بيهم بعد حلم تصيريلي مرة

رفعت تك حاجب وكتله .. انتَ من كُل عقلك تحجي ارجع علاقتي بيهم شنو ؟
هو بُركان الي ماشفت خيرة من شرة بس شفته تهسترت مو نوب عصام الي شفت الويللل ع ايده
ولك بهاء انا كلبي محمللل عليهم ادعي يوووم يووم اشوفهم بحالة يُرثى لها واكول طلعت حوبتي.

- تطلع حوبتج ان الله يُمهل ولا يهمل بس لا تحطين بالج يمهم وارجع واكول لسانج ميطخ بالسان واحد منهم طلعتج من نص عائلتج مثل الشعرة من العجين وانا مصدك الكذبة الي كذبتها ع اهلي انُ انتِ وحيددة مالج احد بالعرراق وانتِ هم لازم تصدكين هاي الكذبة علمود ،نعيش بسلام اذا تضل تتودد مواضيع تخص عمامج فـ هنا راح نتخارب ومو بس نتخارب واحد يأذي الثاني سبق وكتلج عمامج خطط احمرر وبعد منعيد هذا الموضوع خصمنا
وامشي نّام مامستعد بعد اسمع كلام اخر