نحن نقع ، نُكسر ، نفشل ، ولكن بعد ذلك !
نحن ننهض، نشفى ،نتغلب!
بارت -32- من قصة "قـسَـر الـرواسَـن"
كامشة ايدة بخوف ومنتظرته يجاوبني
مسح وجهة وهمس .. بـ واحد
فتحت عيوني، ع وسعهن سحبت الابتوب دورت ع اسمي وجان اشوف خط احمر تحت العربي
بلعت ريكي كعدت وايدي ع راسي سحبني بهاء الحضنه باس راسي، وهمس .. رواسن بنيتي انا مو سبق وكتلج الحياة توازن، مو كلشي نريدة لازم يصير
وهسة لازم تحمدين ربج لان دخلتي وزاري كولي الحمد لله هاي مو النهاية عندج نهاية السنه اخرى
وحتى نهاية السنه ،مو الفرصه الاخيرة حياتنه عبارة عن فرص اذا مانجحنه بالفرصه الاولى نحاول بالفرصة الثانية والثالثه والرابعه لمن ننجح تمام يروحي
مسحت دموعي ،وهزيت راسي دنك باسني
وكال .. وين الحمد لله
همست .. الحمد لله والشكُر ربي
باس راسي، وكام يطبطب ع ضهري
سد الابتوب وكال .. يلة نتغدة
كتله .. ماشتهي
رد .. مو بكيفج ،جايب مشاوي من مطعم تجنن
سحب ايدي كومني، طبينه للمطبخ جهز الطاولة وانا ويا كعدنه ناكل ،وانا صافنه وهو يفتح مواضيع علمود اشاركه بالكلام لمن شويه كدرت افك وتقبلت الوضع
ثاني يوم هو عنده شغل فـ ضليت افتر وحدي، للعصر كاعدة اكلب بموبايلي وجان توصلني رسالة منه دخلتلها لكيت دازلي
-شوية چاي، وشوية من صوتج وينتهي كُل تعبي
ابتسمت ورحت للكوكل ادور ع شعر بي حظ بس ويع ولا وحدة عجبتني لمن دزيتلة
_ياريتك ربع مشكوك محد ،ياخذك مني
شافهة وجان يكتب .. اروح فدوة لمشاعرج المعوقة
رديت .. تضحك عليه؟
تأخر بالرد وجان يدز .. اذا اردت ان تعشق أمراه فعليك ان تتحمل جنونها
ابتسمت ودزيتلة.. واذا اردتي ان تعشقي رجل فعليك ان تتحملي غيرته بعدها ضميت الموبايل وطلعت كتبي ، اتصفح للفصل الثاني راسلت البنات طلعت رضاب ناجحه ومرسلين هم بس عدها العربي ٥٠ گلنه مشكلتنه العربي المهم
حمدت ربي وشكرته لان دخلت وزاري ، ضليت منتظره بهاء تأخر رجعت خابرته كال عدنه شغل اليوم هواي فـ راح
اتأخر
يحجي وصوته ، مبين تعبان كتله.. تغديت تعشيت يروحي
رد.. لا ولله من الريوك التهيت بالشغل وماحسيت بالوقت
انت- ليش هيج حبيبي مو
تحجي ، عليه وماتقبل افوت وجبه
کال.. شسوي بعد بس هل يومين ، ويفض الشغل رديت.. انتظرك لا تتأخر اکثر.
سديت الموبايل ، وبقيت منتظرته حييل تأخر هو والـ ١ يالله دخل للبيت دخل تعبان ارتجة ع تخم وطلع جكارة ورثها كمت
بهدوء فتحت ايدة وكعدت
بحضنه حاوط ايدة ع خصري وهو دنك باسني سحبت الجكارة من ايدة واخذت نفس منها ظل يباوعلي نوب حطيتها بحلكة ابتسم بتعب واخذ منها نفس اشرلي بيدة عيديها
ضحکت و رجعت دخنت جان يبوسني
وصاح.. اخخخ يابة كل التعب
يضيع بحضنج
اخذت الجكارة منه طفيتها
وكتلة.. يلة كوم المي دافي
ومحضر تلك الخاولي اسبح واطلع منتظرتك
هز راسة وكام جان يرجعلي باسني ، وراح يسبح وانا حضرت العشة برياني ودجاج
وحطيت عصاير ، وفتحت البلازمة ع موسيقى كُلش هادئة للاسترخاء ، وطفيت الضوة وشغلت الشموع طلع من الحمام ابتسم ع اجواء كعد ع طاولة وعينه وراي كعدنه ناكل انا ماشتهي بس علموده
المهم شبعنة وهو رجع راسة ، ع تخم براحه ويستمع الصوت الموسيقى ، شلت المواعين والعصاير ورجعت مديتلة ايدي ابتسم وكمش ايدي
اخذته للغرفة مشغلة بس
الاضاءة ، تمدد ع جرباية
وتمددت بصفة سحبني لحضنه حيل وهمس.. اخخ يابة راحتي كلها يمج
بست راسة وهمست.. يروحي اصيرلك راحه دنك باسني ، وضم وجهة بركبتي دقائق واباوعله غافي ضليت اتأمل وجهة تقربت بست كتفه بوسات متفرقه وهمست.. الله يخليك إليه
أنت تقرأ
قسر الرواسن
Romanceكلما اخرج من كآبتي ، يصدمني الواقع بأشياء تعيدني إليه ، كانه كتب عليا أن أعيش بهذا الاكتئاب القابع بصدري ، لا احد يعلم معنى أن تغادر غرفتك بحثً عن هواء نقي يعدل من مزاجك المضطرب ، حتى تأتي وساخة البشر فتعيدك إلى غرفتك المظلمة ، كأنهم يقولون لك نحن أ...
