أّروٌأّحً مًتٌـعٌأّنِقُةّ

بارت

قصة جديدة بقلم (رنيم كنان)
حبايب احب اكوللكم  القصة ماخذتها من احداث تركية يعني مسلسل لان اكو بنية كالت قصتي كلش تشبهة وحبيت اكتبهة الهة

༺༺༻༻
مشهد: قصير من الماضي

بنت عمرها ٧ سنين ماتعرف شنو الفراق لو شنو الحزن لو شنو شي راح وبعد مايرجع كل همها العب وبس

... كاعدة ع مرجوحة اتمرجح وغني بنشيدي الي امي علمتنيا ماهمني شنوو موجود بل بيت لو ليش

النسوان هنا ويبجن ماعرف شنو داي يصير واصلا ماهمني بقيت اتمرجح رايحة جاية مبتسمة اباوع للمنضر كدامي اشجار وزرع الجو بارد ونسمة هوة خفيفة بي والدنية مغيمة

نزلت من المرجوحة وتقدمت يم الشباك اباوع البيتنة جوارينة كلهن يمنة وكاعدت يقرن قران بصوت ناصي ودموعهن ع خدهن سمعت وحدة تحجي

ـــخطية شنو ذنبها طفلة صغيرة وتيتمت وين راح تعيش هاي ومنو راح يتحمل مسؤليتهة بعد وفات امهة

..... عفتهة تحجي وخرت عن الشباك امشي بل حوش واتلفت شفت وردة صغيرة بل كاع كرمزت كدامهة وكعدت اتلمسهة باصبعي بهدوء اخاف لا تنكط لو تتلف

.... ياربي اخذ كلادتي ماريدهة ولا اريد جنطتي وحتة ثوبي الي ماما خيطتة الي ماريدة بس رجلعي ماما شتاقيت الهة اريد اشوفهة حتة ماريد لعابة بعيد ميلادي كلشي ماريد والله

... كمت وكفت ونكثت ادية ورجعت صعدت ع طابوكة حتة اكدر اشوف من الشباك بعدهن ع وضعيتهن يقرن قران بقيت واكفة اراقبهن

... ودموعي تنزل حسيت توني انو امي ماترجع بعد من شفت النسوان كلهن يبجن نهضمت وكمت ابجي واني اباوعلهن فزيت ع ايد ع متني بسرعة مسحت دموعي ولتفت اباوع جان رجال مو كلش جبير لابس كبوس ولبس شتوي شافني وعكد حاجبة وحجة

عماد... انتي هية بت اطياف

... بلعت ريك بتوتر وهزيت براسي اي

عماد... شنو اسمج انتي

.. طفرت من الطابوكة ونكثت ادية رفعت راسي الة وحجيت

.. سندس

عماد... شنووو

حجة و دنك راسة الي

... سندس

عماد... يوو شوف الاسم الي سمتة للبنية بكلشي فاشلة اطياف

... رجع التفت الي وحجة

عماد... انتي من اليوم ورايح اسمج نورية فاهمة

... بقيت ساكتة بس اباوعلة مسح وجهة بعصبية ورجع حجة

عماد. استغفر الله هاي شلون وياهة
شووفي اني خالج ومن اليوم ورايح راح تبقين وياي اني ومرتي راح تدعين النة ليل ونهار لان لو ما احنة جان نطوج الدار الايتام فتهمتييي