بارت جديد
....
***
واكفة امسح بجام الشباج وخالتي تنكث بل قنفات
.. اذكر البارحة احلة ليلة مرت علية
اذكر شلون بقينة نسولف ونصحك وهوة يتغزل بكلام حلو ورجعني للبيت قبل لا انزل كمش ايدي وطلع محبس كلش حلوة ولبسنيا وهوة مبتسم وكال وهوة يباوع بعيوني
ـ عجل باجر جايين ليكم كولي لخالج
.. بتسمت بفرح وهزيت براسي اي ونزلت
.. وهسة احنة مخبوصين ننضف بل بيت ونرتب نستعد الجيتهم
فات خالي وبيدة ثنين كراسي حطهن بل صالة وزفر بتعب وهوة يباوع للصالة
عماد... بلة هسة هاي شون سالفة
اجرنة بيت شكبرة وشكدة شمانحط بس هوة فارغ
هسة الكراسي جبتهن وين احطهن ابتهال
ابتهال.. ها
مادري وين شوفلك مكان وحطهن بي
اكلك عماد
عماد.. هااا
ابتهال... خلينة نطلب قنفات ثنين من جوارين علما يجوت ويرحون خاف متكفي قنفاتنة زغار
رافع حاجبة خالي وهوة يباوعلهة واني اباوعلهم وحابستني الضحكة
عماد... مادامج تحمستي خلي اجيب فردول خرفة نومهم شدكولين
ابتهال.. شبيييك عماد تستهزء مشوف لعد وين انكعدهم
.. عادي خالة شاهين اصلا ميهتم الهيج شغلات لا الغراض البيت ولا للفلوس
متواضع هوة
عماد... هوة منو ومنو يجي وياا يعني بس اهلة
حتة يطلبوج
.. ها لا هوة اهلة متوفين بس جدة اكيد هسة يجي
وكوة مرة بل بيت الي هوة كاعد بي يعني يعتبرهة بمقام امة هسة هم تجي وعبد الباقر صديقة المقرب
يعني ثلث لشخاص غير شاهيت
عماد.. هاا خوش لعد هاذ يكفي مانطلب بعد كراسي
... بقينة نرتب بل بيت ونضف ماخلينة شي مامسحنا وعدلنا الحد مصار اليل واني بعدني واكفة واحضر بكوابة الكهوة واغسل بيهن دخلت خالتي تلهث من التعب وكفت يمي
ابتهال.. شنو هاي سندس يمة شو بعدج لسة ماسبحتي
.. ها هسة بس اخلص ذني
ابتهال.. لا يمة عوفيهن اني اكملهن ونتي روحي
.. لا ماريد اتعبج شوفي شون صرتي من صبح لسة تشتغلين وياي
ابتهال.. عادي يمة اذا ماتعب علمودج علمودمن اتعب روحي هسة انتي واني اكملهن لا يجون شوفي حالج شون صرتي
... بتسمت بوجهة وغسلت ادية من الفرحة حضنتهة وبستهة وهية تضحك رحت ركض فتحت كنتوري وطلعت ثوب عادي يصير كصير جوة الركبة وكلوشة بي ورد ناعم اخذتة وفتت سبحت وطلعت نشفت شعري وشسورتة
أنت تقرأ
أّروٌأّحً مًتٌـعٌأّنِقُةّ
Romanceتحجي القصة عن بنت توفت امها وعاشت وية خالهة الي ماحبهة بيوم ودامن يعيرها بس تتغير حياتهة من تتعرف ع شخص بمحافضة اربيل بس هوة اصلة انباري (ماريد احرك الاحداث عليكم تابعوهة وشوفوهة)
