أّروٌأّحً مًتٌـعٌأّنِقُةّ

51

بارت جديد
..............

***

باوع بعيوني وهوة يدري بية ضايج بس ماسالنة حسبالة من الفرح هيج صرت

... يعني نعتمد عليك ونعيش هناك علة صيد السمج

. باوع الي وهوة صافن بوجهي ومبين علة ملامحة تغيرت

.. ايوا شنهي ماعجبج حلمي

.. هاا مادري موماعجبني بس مامجربة هيج عيشة اشوف احلة شي بي الورد يعني حلمك صغير وبسيط

ـ بسيط

.. باوعت الة ودموعي تجري ماعرف حتة شنو كمت احجي بس احسن حجة هاي حتة اطلعهة الة واكلة مانكدر نكمل مثل ماكالي سيف ماريد اي احد يعرف انتي تزوجتيني علمود حياة شاهين

.. مبين عليه من حجيي نكسر خاطرة

ـ مادري يول انة احلم علة الي اكدر اعليه
انة ماوعدنج بلقصور سندس ونتي تدرين بحالي ماكدر اعيشج بوهم هاذ الاكدر عليه لا حيااة فاخرة ولا غنية كلش اعلة كدنة

... اي صح ماكو واحد يحلم بلمستحيل

ـ انتي معصبة اليوم موو
منهو ضايقج
مو هاذ حجيج دامن جنتي راضية معاي بكلشي مو جنتي تكوليلي وياك حتلو ناكل بس خبزة
كافي انة وياج سوة مو مهم هاي الاشياء سندس

.. ييلة هاذ هوة مثل ماتريد شاهين

..  بتسم بسرعة وهز براسة اي

ـ ماشي لعد

.. حجة وجر ادية كمشهن وهوة مبتسم

ـ نروح من هين بس اطلع انة
انتي انتضريني بل باب شوي وانة اطلع انشالله

.. ماشي

.. خلص وكت الزيارة وهوة اخذوو جوة فوتو
بلعت ريك ومسحت دموعي وكمت

طلعت برة واني اباوع للمركز واحجي وية روحي

..  اسفةة شاهين اسفة يا حبيبي والله كل السويتة علمودك صح راح تضوج وتنقهر وتخيب امالك بس عادي فترة وترجع طبيعي وترجع الحياتك الطبيعية

..  مسحت دموعي واجرت تكسي ورجعت للبيت
اول مادخلت للغرفة طلعت ورقة وقلم وكعدت ع جرباية واكتب

واني كل كلمة اكتبهة غصباا عني

الرسالة
((كل مرة اسال نفسي يا شاهين هو شنوة الحب بس الاجوبة مالكاهة عندي وابقة بحيرة وهسة تاكدت الحب مايجيب السعادة لا الك ولا الي واني ماكدر استمر وياك بهاذ الشي))

..  اكتب واني اشهك وكلساع امسح بدموعي ورجعت اكمل كتابة

((مليت اني من هاي الحياة ومن العيشة بيهة بهل طريقة وانتة وضحت الي احلامك اليوم وجانت مهمة كلش وغالية بلنسبة الك كلش بس اني مالكيت مكان الي بيهة وماكو شي يناسبني منهة
واني احلامي مو هيج مختلفة عنك اني ماريد اتزوج حتة ارجع القرية واعيش بيهة وارجع الفقري من جديد لان اني جربت ذيج العيشة وماريد اعيدهة من جديد وتوجعت كلش بيهة وبفضلك خلصت منهة بس اني طلباتي هواي كلش واريد اسس حياة جديدة بمكان مثل هاذ العايشة بي هسة ومتطلباتي ماتكدر انتة تلبي اي شي منهن واني هم ماكدر البيهن بس هاذ مو مانع حتة اعيش احسن من هناك وبضروف احسن مو لازم ابقة اباوع للسمة واحلم بحلم جديد واضيفة الاحلامي الي ولا واحد تحقق منهن هوة هاذ الحب اذا هيج الحب اني بعد ماريدة شبعت منة ونتة اليوم راح تروح للطريق لي انتة تريدة بس بدوني وحتة كل طرقاتك منا وهيج راح تمشي بيهة وبدوني لان اني ختاريت الحياة اعيش بيهة بدونك والمحبس الي طيتنيا بل ضرف خليتة ارجعة الك واريد ازل هاذ الحمل عني واتمنة تلكة علة الي تقبلك بكل احوالك واشكالك وتطيهيا بيوم من الايام))