بسم الله الرحمان الرحيم... نبدي بل قصة اول بارت
ــ فزيت ع صوت خالي وهوة يصيح
عماد... نووورية نووريةةة كعديي كافي نووم صار عمرج ١٩ سنة وانيي لسة اكعدج الصبح
ــ وخرت الغطة من راسي وفرك عيوني وكعدت حجيت بنعاس
ــ اي خالي كعدت والله
ابتهال.. شبي يصيح من غبشة الله
ــلتفت الخالتي ابتهال الي نايمة ع جرباية ماتكدر تتحرك من وجع العضام اني اول ماجيت الهم جان عدهة وجع بس خفيف وية مرور الوقت زاد وهاي اني يمهم صار ١٢سنة تقريباا ماقصرت وياي فد يوم وكلش حبابة عكس خالي تماما واني هم كمت اساعدهة اذا رادت تكوم لو تحتاج شي اني اسوي
جريت الكيتر وكمت اضفر بشعري ع سريع واحجي وياهة
.ــ ماكو شي خالة هسة كايمة اني
تردين اخذج للمغاسل
ابتهال.. ياريت
ـــكملت شعري وكمت بسرعة كفيت الغطة منهة ودنكت حتة اكمشهة
ــكمشي بية ع كيفج
... حجيت وجريت ايدهة حطيتهة ع متني وكومتهة
كوة تحرك رجليهة وتمشي ساندة روحهة علية واسمع خالي يصيح
عماد... يعنيييي يوميةةة احنة ع هاي الاصطوانة اكعديي سويي ريوك يلةةة
ــ، اي هسة ثواني وحضرة
... حجيت واني ساندة خالتي ع متني وامشي بيهة وديتهة للمغاسل غسلت ورجعتهة كعدتهة بل صالة يم خالي عفتهة وكمت حضرت الريوك وهوة كلساع
يصيح علية يستعجلني بل اكل بسرع. كملت وشلت الصينية ودخلت للصالة حطيتهة كدامة ورجعت جبت صينية الخالتي وطيتهة هية هم لان ع قنفة تاكل ماتكدر تكعد بل كاع ورجعت كعدت كدام خالي وكمت اتريك وياه
حجة وهوة يباوع لورقة التاريخ الي معلكة بل حايط
عماد.. شوكت يطوج الراتب
ــطونيا البارحة
عماد.. شوو ماطيتيناا لعد يعني الة اكلج اني كل مرة
ـــ هاء لا بس البارحة جيت تعبانة وماخطر ع بالي نسيت هسة لحضة وجيبة
.عفتة وكمت للجنطة معلكتعة اني بل تعلاكة يم الباب فتحتهة وطلعت الفلوس ورجعت كعدت
عماد.. شنو تضمين الفلوس عني
ــ لا لا شنو السالف عليمن انتو عتنيتو بية كل هل سنوات وربيتوني ماكدر اوفي حقي الكم تفضل ذني
.. حجيت ومديت ايدي نطيتة الفلوس اخذهن مني وهوة يحسب بيهن
عماد.. اي ادري ماكو داعي تنكرين الجميل
... بقة يحسب بيهن جر خمس الاف وقدمهة الي
عماد.. هاج هاي الخمسة خليهة يمج حتة مايكولون عماد مهمل وعايف بت اختة تطلع للشغل وماكو بجيبهة ولا فلس
أنت تقرأ
أّروٌأّحً مًتٌـعٌأّنِقُةّ
Romansaتحجي القصة عن بنت توفت امها وعاشت وية خالهة الي ماحبهة بيوم ودامن يعيرها بس تتغير حياتهة من تتعرف ع شخص بمحافضة اربيل بس هوة اصلة انباري (ماريد احرك الاحداث عليكم تابعوهة وشوفوهة)
