بارت جديد
***
.... رحنة لمطعم قريب ونزلنة ريوك وكمنة ناكل حجيت كلشي صار البارحة وياي الة
شاهين... ايواا عجل مريض اهو
... مثل مرض امي
ـــ ايوا بس هاذ الزلمة اذاج جثير وكعدتو عندج موش عاجبتني ابد
... ادري حجيك صح مالومك
بس خالي هوة اعتنة بية ورباني كل هاي السنين وهسة اني ماكدر اكلة روح وهوة مريض
ــ دحكي يولي خالج اذا راد يعملج اي شيء، لو حتة بس يرفع صوتو اعليج انتي بس اتصلي اعلية ماشي
ومثل ما حجت امج انتي بنية كوية حيل ولاتفكرين انج وحدج انة وياج انة راح ابكة كريب منج دوم كلشي متوكف اعلة اتصال واحد ماشي
... بتسمت بوجهة وعدلت شعري وحجيت
... ماشي
بس تدري اني اول مرة ماحس وحيدة بحياتي كلهة انتة موكلت الناس بهاي المدينة اكثرهم وحيدين محد يهتم بل ثاني شوف هسة اني من هسة اليمي
هواي يعني اختي استبرق وخالة سعيدة وانت
بس انتة اكثر واحد وكف وياي وكو انسجام بينة يعني هسة احنة واحد يحب الثاني
... طول ما اني احجي هوة مزغر عيونة ومبتسم يباوعلي رفع ايدة خلاهة فوك ايدي وكام يتلمس بيهة بهدوء ويحجي
ــ ايوا جثير احبنج انة
... معبالي هيج الحب سهل
... بقة ساكت بس يباوعلي صافن توترت اني بسرعة جريت ايدي منة خجلانة وحجيت
.. لازم اروح تاخرت هواي
ــ ماشي يلة حتة اوصلنج بطريجي
... دفع الفاتورة وكمنة ثنينة سوة وصلني للشغل وطلع هوة لشغلة جنت من كثر ما فرحانة ماعرف بل وقت شوكت مر هيج بسرعة وصاير الضهر واني
ماحاسة سمعت صوت لتلفون يدك عفت البيدي ورحت فتحت الجنطة وطلعتة بسرعة شفت رقم خالتي ابتهال اليتصل علية بسرعة فتحت خط وحطيتة علة اذاني
.. الوو
.. بسرعة اجاني صوت خالي وهوة يلهث كوة يحجي
عماد.. الوو وين انتي
... بل شغل ليش خير صاير شي
عماد.. خالتج حالتهة تخربطت كلش تعالي بسرعة
... بسرعة فزيت وصحت بصوت عالي
.. شنوووو شبييهةةة
عماد.. موكتهة هسة اني ماكدر حتة احجي مدري شبية تعاي بسرعة
... اي اي جاية
.. غلقتة منة واجتني بسرعة استبرق بيدهة سلة تريد اشر الملابس وكفت يمي وحجت
استبرق... اشبيج خير
.. خالتي متخربطة راح اخذ اذن من المدير واروحلهة هسة للبيت
أنت تقرأ
أّروٌأّحً مًتٌـعٌأّنِقُةّ
Romanceتحجي القصة عن بنت توفت امها وعاشت وية خالهة الي ماحبهة بيوم ودامن يعيرها بس تتغير حياتهة من تتعرف ع شخص بمحافضة اربيل بس هوة اصلة انباري (ماريد احرك الاحداث عليكم تابعوهة وشوفوهة)
