أّروٌأّحً مًتٌـعٌأّنِقُةّ

31

بارت جديد اتمنة يعجبكم

.....

ــ عجل انة فارغ اليوم خلني اساعدكم

سعيدة..  ماشي  براحتك

.. التفتت علية وتقدم وكف كدامي مباشرتا

ــ عجل الحين احن خصمين

.. بس احنة منبيع نفس الشي

ــ ايوا صج
شنهي تبيعين انتي هاي للتنضيف

.. حجة وجر وحدة بسرعة اخذتهة منة

.. لااا هاي ليفة مال حمام
وكو هم كلاوات كلهة شغل يدوي حياكة

ــ هاا عجل يولي بيش هاذ الكلاو

.. ب خمسة

ــ خلني اخذ وحدة عجل

..  اي عادي

ــ اريدن لونهة ازرك

..  ختفت ابتسامتي من كال الون نفس لوني المفضل باوع الي ورجع مد ايدة اخذ كلاو لونة ازرك ولبسنيا

ــ البسي دوم ماشي
مايصير تبردين وتتمرضين يولي

... شاهين ماكوو داعي صدكني زين الجو

ــ بس انة شترتهة علمود الفقراء

..  ههه ماشي لعد اقبلهة منك اذا علمود الفقراء

.. مد ايدة الحيبة وطلع الفلوس اخذتهن منة مبتسمتة

ــ لايكة عليج

... شكرا

.. حطو غراضهم ع طبلة وكامن يبيعن عبالي بس احنة طلعوو كلهم الي بل منطقة مشتركين بهاذ السوك ويسمو السوك الخيري علمود الاطفال اليتامة و الفقراء كلمن يبيع شغلة من علمة اليدوي لو طبخة

يطبخو بل بيت ويجون هنا يبيعو وكلشي من فلوس تطلع يتبرعون بيهة كلش حبيت هاي الفكرة وخصة صارت بصطيتي يم عربانة خالة سعيدة هية جايبة

اكل وياهة وتبيع وشاهين رايح جاي بيني وبينهن نسولف ونضحك وهوة واكف بينة ويصيح ع عالم حتة تشتري من عدنة يسوي اعلانات وحنة خربانين ضحك عليه

..  وصدك هواي ناس اجت واشترو من عدنة بقت كم وحدة بس وهوة مستمر يصيح حتة يشترون اختفت ابتسامتة وصوتة راح بقة صافن التفتت الة شفتة يباوع ع جهة الثانية درت وجهي وشوف ماجد واكف يباوع النة بس شافني باوعتلة تقرب وكف يمنة

ماجد.. شسووين هنا انتي

..  توني اريد اتحرك وشاهين كمش ايدي وقربني يمة

ــ انت شتعمل هين

ماجد..  اني هنا علمود الانسانية وتفكيري مشغول بمساعدة الفقراء يعني ماعندي نية سيئة لا تخاف

..  اباوع الشاهين كوة واكف ع عصابة عيونة صارت حمر وجهة مبين عليه الضوجة

ماجد..  نوريةة بيش تبيعين ذني انتي