هلوو بارت جديد
***
.. بقيت واكفة مكاني تقدم هوة وكف كدامي مبتسم
.. هلو استاذ شلونك
استاذ حيدر.. هلة بوية الحمد الله ونتي شونج
.. الحمد الله بخير
خير صاير شي شنو الموضوع الي ردت تحجي بي وياي انشالله ماكو اي مشكلة
.. اباوعلة وجهة كام ينطي الوان يريد يحجي بس مايعرف شلون يتلفت منا ومنا
استاذ.حيدر...ها لالا ماكو اي مشكلة بوية اكو موضوع اريد احجي بي وياج بس
.. اي تفضل احجي
استاذ حيدر.. سندس
... هزيت براسي اي
عيونة دمعت هوة وحسيت اكو خصة بكلبة مبين عليه كلش مختنك استغربت من وضعيتة هيج اول مرة اشوفة هيج مبين عليه الهم بقيت واكفة منتضرتة يحجي كام يبلعم ويفرك بوجهة بتوتر
اخذ نفس بهدوء ورجع رفع عينة بعيني وحجة
استاذ. حيدر.. انتي عندج فلوس هواي يا بنتي
.. فتحت عيوني ع وسعهن ماداي استوعب شداي يحجي
. شنوو شنو فلوس هواي مافهمت يعني فلوس الي اني
.. هز براسة اي وبقة يباوعلي بكسرة حسيت صاير شي بس مداي افهمة شنو هوة
استاذ حيدر.. هسة اني افهمج اشرح الج كلشي ونتي تفهمين ماشي
... هزيت براسي اي
استاذ حيدر.. خلي بل اول نروح ونكعد بمكان ونحجي بهدوء ماشي
.. ماشي
.. اني حجيت وسمعت صوت ورانة بسرعة لتفتنة ثنينة
نهاد.. حيدررر
.. شفت ست نهاد توهة نزلت من سيارة مالتهة لابسة وكاشخة على اخر حبة ع جهة الثانية من الرصيف شافهة استاذ حيدر وهز براسة اي وراح الهة مبين عليه مستعجلة ومتوترة تمشي سريع تريد بس توص بقيت اني واكفة بس اباوع الهم راح هوة يمشي سريع ويتلفت منا ومنا قريب مايوصل الهة
.. ماعرف شلون اجتي سيارة سريع كلش
ونصدمت بي من قوة الصدمة انشمر شوية بعيد حسيت الدم وكف بجسمي واني باوع الناس كلهة التمت عليه وست نهاد بقت واكفة فاتحة عيونهة ع وسعهن وايدهة ع حلكة مامستوعبة الصار فزت بسرعة وكعدت ع اركبهة كدامة تحاول تكعد بي
.. اريد امشي بعد ماكدر احس الدم جمد برحلية ودكات كلبي كمت اسمعهن
حاولت كوة حركت رجلية ورحت يمهة الناس كلهة ملتمة عليه وهية كاعدة تحاول تكعد ري وتضرب ع اخدودة ع كيف وجهة كله دم وملابسة ادمرن هم
نهاد.. الاسعاااااااف خااابرووو الاسعاااف
.. تحجي وتبجي ملخت روحهة تملخ
أنت تقرأ
أّروٌأّحً مًتٌـعٌأّنِقُةّ
Любовные романыتحجي القصة عن بنت توفت امها وعاشت وية خالهة الي ماحبهة بيوم ودامن يعيرها بس تتغير حياتهة من تتعرف ع شخص بمحافضة اربيل بس هوة اصلة انباري (ماريد احرك الاحداث عليكم تابعوهة وشوفوهة)
