بارت جديد اتمنة يعجبكم
***
.. نزلنة من الشاحنة وبدينة نمشي باتجاه السوك كلش جبير وناس تفتر بي وساحة جبيرة حيل اول مرة هيج اشوف سوك ضخم
ــ اذا تردين نكتب عقد بينة علمود القلوس شدكولين
.. هههه ماشي نكتب
.. وكف ولتفت الي باوعلي ورجع باوع اليكدام ع محل احذية اشرلي بيدة يدليني عليه ويحجي
ــ تنوعي يولي عنيك اكو محل احذية انتي روحي وشوفبهه علما اطبك الشاحنة انة بمكان وبعدين نلتقي هنا لاتبعدين
... وكفت حايرة ماعرف شنو احجي ولا اندل اني مكان هنا كلش غريب
ــ شبج يولي انة هنا ماعوفج لاتخافين بس علما اطبك الشاحنة خافنة الشرطي تجي وتغرمني لان المجان هنا موش منضم للوكوف ماطول دقيقتين
... هاء يلة لاطول منتضرتك لعد
.. حجيت وكمت امشي اليكدام وعيوني تتنقل بل مكان بقة واكف هوة لتفت الة باوعلي وحجة
ــ موش تضيعين ابقي مجانج حتة نلتقي مانضيع
... هزيت راسي اي بدون ماحجي
ــ ديري بالج اعلة روحج
... هزيت راسي اي وكملت امشي عفتة وراي هوة اباوع للناس ولبسهم هنا كلش يختلف عن قريتنة هناك امشي وتلفت ااحد ماوصلت للمحل الاشرلي عليه وكفت يمة وكمت اكلب بل احذية وشوف القياسات مالتفت الة بعد عجبني واحد اخذتة وراويت الابو المحل
... هاذ اريد قياس ٣٧ موجود
.. اي عيني موجود هاذ جربي انتي
... اطاني واحد اخذتة منة وكعدت البس بي واكدر لبستة وجان قياسة كلش مريح وهاذ هوو
.. ها شلونة هاذ
.. اي هاذ هو علكدي
.. باوع اليرجلية ورجع باوعلي يحجي مصغر ع عيونة شكد استحيت اني
... ها احطة ب كارتونة لو راح تبقين لابستة امبين ماعندج حذا
.. هاء لا بس منتضرة صديقي هسة يجي
.. ماشي اخذي راحتج
.. هزيت براسي اي وبقيت لابسة بس تك واحد واكفة بنص الشارع ورجل الثانية لابسة الجاروبة كلهة طين بقيت واكفة منتضرتة وكلساع التفت اكول هسة اجة وهسة اجة. طول بل خمس دقايق وهوة ماكو كلبي كام يلعب مدري ليش خفت نوب ستحيت من الرجال
... اة يمكن يطول اسفة اعتذر منك
.. حجيت ودنكت نزعت الحذا وطيتهيا
.. تفصل
.. براحتج
.. اخذة مني ورجعة المكانة رجعت لبست جاروبتي الثانية وعفتة ومشيت ماعرف وين اروح مارد ابتعد اخاف يجي بقيت امشي ع كيف وتلفت ادور بل وجوه بلكي يجي ماندل اي مكان هنا تقريب الربع ساعة وهوة ماكو تعتب من الوكفة شفت اكو كرسي قريب منا رحت امشي اريد اكعد توني وجان ماهيس الة رجلي نداست ونعثرت بشخص
أنت تقرأ
أّروٌأّحً مًتٌـعٌأّنِقُةّ
Romanceتحجي القصة عن بنت توفت امها وعاشت وية خالهة الي ماحبهة بيوم ودامن يعيرها بس تتغير حياتهة من تتعرف ع شخص بمحافضة اربيل بس هوة اصلة انباري (ماريد احرك الاحداث عليكم تابعوهة وشوفوهة)
