بارت جديد
...
رغد.. يعني هية راح تعيش موو
.. تحجي بمياعة وتباوع ع شاهين تتنعوص تنعوص بل حجي وحتة خالة سعيدة مبين عليهة كلش ضاجت منهة
ــ علش هيج تحجين
انشالله مابيهة شيء اكيد تعيش صارلهة جثير من طلعت من العمليات ننتضر بس تكعد
... مبين عليهة ضاجت من حجية لان فشلهة سكتت بقت باوع بس بلوجوه خجلانة
... اةة
اروح اني مرت خالي تنتضرني بل بيت ماريد اتاخر
.. حجيت ولتفتت اخذت قبوطي والجنطة من ع كرسي
سعيدة.. يلة يمة احنة هم تعبناج كلشي يصير احنة نكلج ونطيج خبر عود
ــ عجل خلني اوصلنج
.. لا ماكوو داعي اني اروح
خالة كلشي يصير انطيني خبر فدوة
سعيدة.. لا تخافين حبيبتي كلشي يصير اني اكلج عليه
.. ماشي يلة باي
.. عفتهم ومشيت
واني كلبي مشتعل شعل اريد بس اروح عنهم وابتعد ماكدر اتحمل وجودهة هيج يمة ولازكة بي لزك احس كلبي مشتعل نار ودمي فاير بودي اروح واخنكهة خنك بودي اكتلهة خلاص حتة بعد ماتتقرب منة اريد
ابين للناس كلهةة بان شاهين الي انيي اني وبس اني الاحبة وهوة يحبني ليش هيج الضروف معاكسة ويانة ليش كلشي ميجي عدل ويانة وكلشي عكس الي نريدة
... واني امشي بعد ماتحمل شفت روحي صرت شوية بعيدة عنهم انتجين ع حايط ودموتي تنزل عشرة عشرة ع خدي احسهن جمر وكلبي محترك حرك
.. شلون لعد اشلون ابتعد عنةة
ماكدر ماكدر اطلعة من كلبي يا ربيي شسويي
.. ابجي واشهك ماكدرت حتة اتحمل الحد ماوصل للبيت واطلع كل البكلبي نار ومشتعلة بداخلي ذاكرتي سترجعني لليوم الي رغد خبرتني بي انو هية حامل ومن حجت وية شاهين بل مستشفة علية
وقهري يزيد ماينقص نوب اريد اهدي روحي بعد ماكدر كعدت مكرمزة بل كاع وابجي
... الحد ماحسيت ايد نحطت ع متني
بسرعة رفعت راسي وكمت مسحت دموعي شفتة رجال جبير بل عمر وحتة شعرة كلة ابيض بس وجهة بشوش كلش
ـ انتي زينة بوية بيج شي
مبين عليج فاقدة حبيب ع كلبج
... ااي فقدت شخص احبة هواي
والابد هم
.. سوة تعباير بوجهة متوجع ع كلامي وبقة ساكت مايعرف شلون يواسيني شلت جنطتي اني وعفتة ومشيت
.. اصلا محد يكدر يواسيني ال يواسي لازم يكول اصبر واصبر واني كلشي مراح احصل من الصبر واليصبر لازم عندة امل واني حتة امل ماعندي بان يرجع الي خلاص لازم اتحمل الحقيقة واعيش وياهة
... مسحت دموعي وكملت طريقي اجرت تكسي وصلت للبيت
... اول مدخلت شفت الاضوية مطفية وضوة خفيف بل بيت مديت راسي للصالة شفت خالتي نايمة ع قنفة
أنت تقرأ
أّروٌأّحً مًتٌـعٌأّنِقُةّ
Romanceتحجي القصة عن بنت توفت امها وعاشت وية خالهة الي ماحبهة بيوم ودامن يعيرها بس تتغير حياتهة من تتعرف ع شخص بمحافضة اربيل بس هوة اصلة انباري (ماريد احرك الاحداث عليكم تابعوهة وشوفوهة)
