هلو بارت جديد اتمنة يعجبكم
ـــ وش صار
... اجة استاذ سيف واخذ خالي للمستشفة
.. اباوعلة وجهة تغير ونكلب مية وثمانين درجة بسرعة ضاج
ــ ايوا اصلا جان استغربت لو ماخذو
هوة شبكة وماسوا
.. مافهمت
ــ اكوول الله شكثر طيب هل رجال مابكة شي ماسوا رجال مثل الملاك اسم الله عليه
.. ها اي هوة هم هيج يسلم
بس خالي جذب علينة تدرييي طلع لا مريض ولا شيء
ــ شنهي هل حجي سندس تحجين صدك انتي هيج الازلمة طلع جذاب
.. اي جذاب سوة كل هاذ حتة اخلي يدخل للبيت
.. حجيت وكمت اكح لان الجو برد واني مالابسة هواي ملابس
ــ عجل تنوعي مرضتي
.. لا زينة ماكو شي هسة ارجع للبيت وانام
ــ عجل يلة روحي لجو برد
.. ماشي يلة باي
عفتة وكملت طريقي وهوة رجع من نفس الطريق الي اجة بي
وصلت للبيت ودخلت حضرت العشة وتعشينة ورحت للغرغة اول مافتحت الباب بتسمت اول مرة انام بهيج غرفة الاثاث يجنن ميز امراية وجرباية ام نفر
وفراش يعني توني حسيت بروحي صدك بنية وعندي شي خاص عزلت ملابسي بل كنتور يصير
زغير ابو بابين هاذ هو علية صفطتهن ورحت تمددت ع جرباية كلساع ادكلب منا ومنا فرحانة مامصدكة واخيرا راحت نومت الكاع الي تكسر الجسم تكسر
..متمددة ع جرباية واباوع للسكف فزيت ع صوت الشباك يندك ع كيف بسرعة كمت كعدت اصنت يدك مرة ثانية لو اتخيل وصدك رجع دك كمت وكف
.. منو هااذ
.. رحت باتجاه الشباك وفتحت البردة صار بوجهي شاهين وهوة مبتسم بتسمت بوجهة اني هم
.. شاههين
.. حجيت وفتحت الشباك تقدم هوة وانتجة ع شباك يباوع للغرفة ختفت ابتسامتة وهوة عيونة تتنقل بل غرفة لتفت اباوع للغرفة ورجعت باوعتلة
.. هاا شنو رايك عجبتك
.. هز براسة اي وهوة يباوعلي
ــ ايوا كلش حلوة
شنهي صبغتو الحايط
.. اي اني كملتة من رحت انتة وعلى فكرة حلو الصبغ يجنن الان انتة ختاريت لو كلش حلو
.. بتسمت بخفة وشال ايدة بيهة علاكة وحط كدامي ع شباك
ــ جبتو هاذ ليج
.. شنو هاذ
.. فتح العلاكة وطلع منهة مطارية
ــ سويت ليج عصير ليمون وشوفي هاذا عصير برتقال همينة
.. حجة وطلع بطل ثاني واني اباوعلة مبتسمة
أنت تقرأ
أّروٌأّحً مًتٌـعٌأّنِقُةّ
Romansaتحجي القصة عن بنت توفت امها وعاشت وية خالهة الي ماحبهة بيوم ودامن يعيرها بس تتغير حياتهة من تتعرف ع شخص بمحافضة اربيل بس هوة اصلة انباري (ماريد احرك الاحداث عليكم تابعوهة وشوفوهة)
