الجزء الرابع :🔥🔥 #ولادة_الامبراطــور🔥🔥
الكاتبة :👑 Fatima Z-F 👑
الفصل الأول:
اشعت شروق الشمس تنبعت على كل ارجاء المكان و تشع بضوئها على كل الاماكن التي كانت مملوئة بالظلام...
ضرب شعى في وجوه الشخصين لي واقفين فوق جبل كيشوفو بعيد..رجع محمد راسو لور و تنفس بجهد مع ابتسامة و وجهو كلو زرق بسلخة لي عطها ليه سيف.....
محمد: تعدبتو بزاااف...
سيف دور يدو على شعرو طويل لي واصل حد عنقو وحرك راسو يمين و شمال: هي لي تعدبات....
محمد حط يدو على ضهر سيف: ما ضلمش راسك ماشي غير هي تا نتا تعدبتي ....
سيف تنهد بجهد: هي مزال صغيرة داكشي لي داز عليها مساهلش اما انا راجل و دقة لي مقتلاتني كتقويني اما الماس دقة لي مقتلتهاش هرساتها طراف ....حط يدو على وجهو كيتنفس بجهد .....
محمد: نسا عليك ما فات هادشي داز ...الماس ها هي برات و جات تال عندك وخا دارت ديك الفضيحة لكن غير الغيرة لي حرقاتها و مصبراتش تشوفك مع شي وحدة....
تبسم سيف بجنب من تفكر الحالة لي دارت الماس على ودو....جمع الوقفة و شمس كضرب في جسدو لي مفتول بالعضلات وزادت الكثلة ديالهم فهاد الايام لي كان فيهم في امريكا وهو بعيد على الماس من كانت كتعالج في الجزيرة....مد يدو لصاحبو...
سيف: نوض ما بقات عندي خدمة هنا....
محمد شد يديه وجمع الوقفة وحجبانو مكمشين: كفاش ما بقات عندك خدمة.....
سيف توجه لمطور ديالو و ابتسامة جميلة راسمها على ملامحو الوسيمة: وقتي كلو انعطيه لألماس .....
محمد:اوا وشنو ادير مع سثيف لي كنتي كتقلب عليه....
سيف عض فمو من جنب: تزاد عندو ولد.....
محمد بصدمة: كفااااااش....
سيف شاف في محمد بنص عين : وسماه سيف....
محمد : ولايني هادا كا/فر بالله تزوج و والد و سما ولدو عليك ...هز راسو في سيف..و انااا....
سيف: نتا مالك.....
محمد: عامين و نتا جارني معاك ما تخلينيش ندير ولادي ولا شنو....
سيف هز راسو كيضحك : تا تلقى امهم بعدا و نمشي انا نخطبها ليك .....
محمد هز صبعو: عنداااك تنسى نهار نقولك يالله تخطب ما تنكرنيش....
سيف: زيد نقو/دو من هنا بعدا و يحن الله من يجي داك نهار وتلقى لمرا ديك ساعة يكون خير....
ركب محمد فوق مطورو كيضحك غير وحدو و صورة وحدة لي كدور بينات عينو هي ديال ديمنة وما حدها خالت الماس جاتو لفرصة تال بين يديه....كمش حجبانو و هز عينو في سيف...اجي و شركة ديالك لمن اتخليها....
