الجزء الرابع :🔥🔥 #ولادة_الامبراطــور🔥🔥
الكاتبة :👑 Fatima Z-F 👑
الفصل201...
الماس بحزن : ما ضارني والو ...
سيف : غير هضري عليك لأمان قولي لي عندك...
شافت فيه :حلف ما ادير ليا والو ...
حط يدو على عنقها كيلمسها بحنية وقال..
-فين عمري درت ...كنعيا ما نحلف عليك ومن كنجي عندك كيتبخر كلشي ما كنبقا عارف راسي من رجلي ..
تبسمات بحرج : بصح !!!...
سيف : ما مولفش نكدب عليك..."دور شعرها على يدو" ..وقتاش اترجعي لون شعرك الأصلي هاد لون لكحل مجاش معاك و ولفتك زعرة ...
الماس كتشوف فشعرها : بالعكس انا عجبني ...
تنهد بلا خاطرو : وخا الالة حيدي منو شهوتك ورجعي لونك الأصلي ..."جرها من خسرها قربها عندو اكثر"...اوا الالة كملي اش ضارك جيهتي ...
عضات لسانها كدور فعنيها وكتحسب مع نفسها واش تقول ولا تخلي لقضية مهدنة بيناتهم ..تنهدات بعمق وقالت...
-نتا كتبغيني ياك ..
سيف تبسم بلا خاطرو : شوفي نتي الالة انا ما بقيت عررف هادشي حب ولا دل ..
ضرباتو لكتفو مخنزرة : كتفلا عليا ..
سيف: جيني لمقصود ا الماس بلا تطوال فالهضرة ...
زيرات على يديها وقالت بشوي...
-انا بغيت نبقا مع عائلتي و ..
سيف قاطعها : نتي معاهم دابا ...
شافت فيه بحيرة لقاتو كيشوف فيها بعصبية ..سرطات لكلام لي كانت موجدة تقولو وتململات فمكانها بغات تبعد وهو شدها مزير عليها ...
-ما تحركيش ....
بقات جالسة فوق حجرو مزيرة ومدورة وجها لجهة لاخرى و عنيها رجعو حمرين وعمرو بدموع وهو يطلقها وخلاها تمشي ...
هبطات كتجري لبيت دخلات في فراشها ورمات عليها لغطا وخلات دموعها يسيحو على خدها ....بقات كتبمي بصمت حتا سمعاتو دخل وهي تجمع فمكانها بحال الجنين ..
حسات بيه تكا حداها وحط يدو على خسرها وجرها عندو لصق ليها ضهرها مع كرشو وحيد لغطا من وجها وهبط قبلها فوق فمها وبعد كيمسح دموع من جنب عنيها وكيشوف فيها بحسرة والم واضح فملامحو وقال..
سيف: نسيتي شنو دارو فيك ...
بصوت كيخرج بزز قالت..
- ولكن ندمو وانا نسيت ...
سيف بالم مكبوت فصوتو. ..
-و انا ما نسييتش أ الماس ..مانسيتش لعداب لي دوزتيه وما نقدرش نسامح ولا نخليك ترجعي ليهم ...
