الجزء الرابع :🔥🔥 #ولادة_الامبراطــور🔥🔥
الكاتبة :👑 Fatima Z-F 👑
الفصل161
"فقصر العاصمي"...
في الفيلا المتواجدة فجنب كانت خاوية وبوحدو لي ناعس فبيتو ، سمع ساعة كتصوني وهو ينوض مخسر طفاها و رجع نعس مدخل راسو تحت المخدة ...
حس بشي حاجة كتحرك فجنبو و كدخل فحضنو و يد صغيرة كتحسس ضهرو ..كمش حجبانو و بسرعة ضرباتو الفيقة وهز راسو مخرج عينو ..هز لغطا كيشوفها ناعسة حداه و كتحسس فلحمو غير شافتو وهي تبسم وطلعات عندو كضحك عنقاتو بجهد وباستو فخدو وقالت...
تقوى : صباحو تيتيز..
بعدها بسرعة مخطوف من وجهو لون هبط راسو لتحت شاف راسو لابس شورط عاد تنهد براحة ورما راسو فوق المخدة ودور يدو على شعرو كيسوط بجهد وهي طلعاات فوق كرشو فرقات رجليها وجلسات كتلعب ليه فشعرو لي فصدرو و كضحك غير وحدها ..
تقوى : عندك زغب بزااف ...
هز راسو معصب ..
نزار : تقوى الف مرة كنقول ليك متبقايش تسلتي فليل و تجي عندي لبيت ..اخر مرة ديريها فهمتيييي..
تقوى بدون فهم : وعلاش...
نزار : حيت هكاك راكي بلغتي و مابقيتيش بنت صغيرة لي نعسك معايا ، عندك بيتك بقاي فيه ولا سيري عند باباك محمد عطيني تيقار شوي ...
بقات كتشوف فيه وهي طير عليه بعضة لصدرو وهو غوت بجهد شدها من شعرها هزها كاملة وجمع الوقفة ورجع رماها فوق ناموسية كيشوف العضة و اتار سنانها لي بقاو مصورين فصدرو ورجع كيشوف فيها بغضب ...
نزار : اتعاودي هاد تبرهيش انعلق والديك من رجليك ...
تقوى بفا فيها الحال : ونتا لي كتقول ليا اجي نعسي حدايا ..
نزار : فداك الوقت الالة من كنتي صغيرة اما دابا كبرتي شدي رجليك الله يرحم طاسلتك وبقاي حدا باك...
ميلات راسها لجنب : بابا گاع ما كاين خرج مع عمو سثيف و عمو شهد و عمو كريم و عمو كمال و عمو سعد وبقيت غير بوحدي خفت و جيت عندك ...
خرج عينو حس بنفس تقطعات ليه : يكما جا سيف..
تقوى حركات راسها : لا ما شفتش عمو سيف ولكن سمعت بابا قاليهم نمشيو نشوفو لفريز وهما هزوه وجروه قالو ليه هي لي اتعاود ليك ترابي ...
زير على شعرو بجهد : هاد باك صدق مقـ ود كثر مني...
تقوى ببراءة : شنو هي مقـ ود ...
خنزر فيها ومشا عندها هزها بين يديه وهي بفرحة دورات يديها على عنقو ورجعات باستو فخدو ...
نزار : كضحكي عاجبك هادشي لي كديري فيه....
تقوى حطات راسها على كتفو ونطقات بطفولية ....
