الجزء الرابع :🔥🔥 #ولادة_الامبراطــور🔥🔥
الكاتبة :👑 Fatima Z-F 👑
الفصل 141
#روسيا...
في مكان ناصع البياض كلو عامر بالثلج ومغلفينه عدة اشجار مخلين مكان مضلم كيخلع...فالمكان كيتواجد عشرين شخص كلهم لابسين الاسود ودايرين اقنعة سوداء كتبان فقط اعينهم الشرسة و الحادة وداين بيهم عدة جثة و دماء حمراء مزلعة فوق التلج الابيض....
بعضهم كيجرو الجثث من رجليهم و كيرميهم من فوق جبل نحو الهاوية ...كانت حركاتهم مافيها تا رحمة ولا رأفة ولا خوف ، مجردين من الإنسانية او ربما نقولو ان الجثث لي كيرميو كانت باغية تاخد حياة البوص لكن شاءت الاقدار انهم يموتو قبل يوصلو لشخص لي باغين يقتلوه ...
نفضو يديهم من تلج ورجعو وقفو فمكانهم كيتسناو ليدر ديالهم لي بعد ما وصلو الإتصال تفرق عليهم ...
بعد دقايق معدودة رجع هشام داير قناع احمر و ملامحو مكيبانوش لكن كل اجسادهم تزيرات من حسو بالهوا لي داير بيه حامل الغضب الشديد..
حرك ليهم صباعو وكل واحد ركب فوق سكوتر ديال تلج وبداو كيخرجو من داك جبل واحد مورا واحد وليدر هو لي واخد زمام القيادة ..فجنب دراعهم مطبوع شعار بعنوان " بلاك تيم"...
هبطو لأسفل الجبل ونزلو من فوق سكوثر و توجهو لعدة سيارات سوداء مضاضة لرصاص من نوع دفع رباعي وصالحة لسياقة فتلج و طريق لي كتكون مجمدة و سهلة الزلق ...
عشر سيارات شدو طريق كل وحدة فيها جوج ، بداو كيخرجو وكيلتقيو بعدة سيرات اخرى من نفس نوع تداخلو معاهم وشاركو نفس الصف وكانت سيارة واحدة لي بلون ابيض مختلفة على لونهم تماماً جالس فيها البوص كلها جلد فاخر من لداخل ولابس بدلة فاخرة بلون ازرق مغلوق وصباط جلد كيلمع مع ساعة وخاتم فسبعو لوسطاني وخاتم تاني فصبعو الصغير ...
داير رجل فوق رجل و يدو هاز رصاصة دهبية كيلعب بيها بين صباعو و كيشوف مباشرة و ملامحو حاملين صرامة و ببرود و الهالة لي دايرة بيه كلها كتحمل تهديد ...
كان حداه دون ايطاليا ولي اناقتو وفخامتو لا تقل عن البوص حامل سيگار فيدو كيكمي وبدا كيهضر بهدوء كيف عادتو...
نور: صفيتي حساباتك...
سيف ببرود: مزال واحد...
نور هز حجبانو : كل لي كيعرف شكون هو سثيف غادي تصفيها ليه...
سيف حرم راسو بدون ما يتكلم بينما نور بقا كيشوف فيه....
نور: من غادي تحيد سثيف من طريقهم اتولي نتا لي فالخطر ...
سيف كيشوف بعيد وقال : عارف...
نور : ومن عارف فين غادي بهادشي....
سيف بنفس النغمة : انا كنت خدام معاهم راجل هما لي بغاو يغضروني و انا كندوقهم غير من نفس الكاس قلت ليهم من لول تال صاحبي ما دوزوش ليه ولكن من دازو ليه ميتسناوش مني نتساهل معاهم....
