الجزء الرابع :🔥🔥 #ولادة_الامبراطــور🔥🔥
الكاتبة :👑 Fatima Z-F 👑
الفصل171...
عبدالله بندم وعار واضح فملامحو ...
-صراحة تقال تصدمنا وما كناش متوقعينها منو ..البنت كبرات وسطنا وحنا اخر ناس عرفنا ان واحد اخر كان كيصرف عليها لكن ...
سكت مزير بغا يقول انها ملقاتش رجال لي يحضنوها ويصرفو عليها وينسيوها فاليتم لي عاشت فيه لكن لقا لسانو مربوط ما قدر ينطق والماس حادرة راسها كل مرة تمسح دمعة من جنب عنيها ...
وخا سنين عداب وسنين حرمان لكن اليوم قلبها صافي نسات داكشي فالعامين لي عاشتهم فالجحيم وكأن الماضي وعدابو تغسل من جسدها ومابقا ليه تا وجود ..
جالسة بإبتسامة جميلة مع بيجامة سوداء محترمة ومخلية شعرها نازل على كتافها ، دايرة خاتم بسيط فصبعها المتوسط ومصبغة اضافرها بلون وردي فاتح ..
باين عليها متبتة وما فيهاش الهضرة بزاف ولي مسولهاش مادخلش فالهضرة وابتسامة خفيفة ديما موجودة على ملامحها وعلى عنقها سنسلة رقيقة دهبية كتوسطها الماسة خضراء بحال دمعة ...
كتهضر مع جداتها و كتعاون جدها فالاكل وتمسح ليه جناب فمو وهو كيشوف فيها بعيون كيلمعو بدموع ، بدون كلمات فقط كيشوف بصمت وهي كتبتاسم ليه وتعاود ليه بهدوء عن نفسها و كأنهم كيتعرفو من جديد ..كتعرفو على شكون هي الماس ..شكون هي ابنت ابنه ...
تسمع دقات فالباب وقفات منال كتحزم لحزام ديال بينوار البيجامة وخرجات تشوف شكون ..
لبسات بانطوفتها و كتمشى بشوي على حاسب كرشها و كتحاول ما تعيقش و تخليهم يعيقو بيها..
دورات شعرها لجنب وفتحات لباب وهي تخرج عنيها وفمها محلول فشخص لي امامها وهو كيفحصها بنضراتو ...بغات تهرب ولقات رجليها فاشلين وهو بقا صامت حتى تحرك شخص لي حداه دفع الباب بيدو لي عامرة وشوم ودخل بقوة وملامحو شرسة خلعوها وبسرعة رجعات لور خافتو يطيحها وبدون وعي حطات يديها على كرشها كتحمي طفلها ..
سعد شاف فيديها لي محطوطة فوق كرشها وقرن حجبانو لوسط ..خلا سثيف دخل وشد منال جرها عندو بزربة معطهاش فرصة فين ترفض ..بغات تهرب وهو زاد زير عليها داها لسيارتو حل لباب ونطق حدا ودنها بصوت تقيل وبارد..
سعد : دخلي ...
منال كترعد فيدو : ممم مابغييتش ...
سعد بنرفزة : ادخلي ولا انفرشخ والديك ونركبك بزز منك..
هزات فيه عيونها مدمعين ونطقات اسمو بخوف...
- سعد عافك خليني نمشي مادرت والو ...
سعد بعيون حامرة محقونين بدم كيهضر بحقد ..
- غادي نصلخ يماك امنال لمدخلتيش ختاري شنو بغيتي ...
