الجزء الرابع :🔥🔥 #ولادة_الامبراطــور🔥🔥
الكاتبة :👑 Fatima Z-F 👑
الفصل231..
حس براسو بحالي ضربو ضو وغاب عن الوعي ورجع فاق فنفس الوقت بحال شي حاجة صدماتو ..كيكمش حجبانو ويرجع يسرحهم ..يغمض عينو ويرجع يحلهم ..شي حاجة معقدة ومقدرش يفهمها وعقلو تبلوكا وكيسول راسو واش هادي هي البنت لي ضيع عليها حياتو ..واش هادي هي لبنت لي شافها فسطح كلها مجروحة ومكمشة فداتها مخلوعة ...
فين هي الماس طفلة لي ربا بيدو .. وشكون هادي لي قدامو وسمماتو بهاد الهضرة .. شكون لي قلبها عليه بهاد طريقة تا خلاها تقول لكلام لي عمرو ضن يجي يوم لي تنطقو بدم بارد ..
بأصابع كيرجفو بهول صدمة ومشاعرو لي تقاصو حطهم على صدرو ونطق بعدم فهم...
- هادشي كتقوليه ليا انا ....
مسحات دموعها بضهر يديها وهضرات بلا عقل ولا فهم...
- شكون من غيرك كاين هنا..."تنهدات بلا خاطر "..عرفتي شنو انا عيت من هادشي ما بقيتش مرتاحة معاك وكل مرة كتفكرني بخيرك بحالي باغي تبزز عليا حاجة ممتقبلاهاش وانا هادشي طلع ليا فراس وانا وياك ما بقيناش كنتفاهمو ...
حس بدم ديالو كيغلي و كيحرقو من لداخل و بدا جسدو كيعراق بكثرث ما دمو سخن وخا كل نكسات لي تعرض ليهم فحياتو كان كيبقا شاد راسو و مكيبينش وتا من مشاعرو كيتحكم فيهم وخا تصدم فصاحبو و فالأستاد ديالو لكن ما تصدمش بحال هاد صدمة لي هو فيها الأن ...
سيف : هادشي كامل قلتيه على قبل عائلتك...
الماس: ها نتا قلتيها عائلتي يعني نسمح ليهم ولا نبقا غضبانة منهم هداك شغلي وماسوق تا حد فالقرارات ديالي ...
غرص صبعانو فشعرها كيرجف : واش كضحكي عليا ...
صرخات متألمة: بعد عليا يديك راك ضريتيني تفووو ما بقيتيش مرتاح معايا قولها وخليني نمشي بحالي ماتحطش عليا يديك ...
بدا كيديها و يجيبها مغزف خرجات ليه لعقل لي يفكر فيه ....
-واش عارفة اش كتخرجي من فمك...
زير على فكها وفيكسا وجها مع وجهو...
- شوفي مزيان معامن كتهضري هدا رااه سيف ..سيف لي بكا عليك دم واش هدا هو جزاء الإحسان لي حسنت ليك ...
بألم خسرات ملامحها ونطقات بكره...
- اففففف واش ما كتفهمش العربية انا ما بقيتش مرتاحة معاك كنحس براسي مجيفة وانا قريبة ليك ....
تخربق ليه لعقل معاها : هادشي كامل حيت ما قبلتكش تسامحي لعائلتك...
الماس : عائلتي ما عندها تا دور فهادشي و تقبل ولا ما تقبلش انا مكيهمنيش حيت هادوك عائلتي ودم بيناتنا...
