الجزء الرابع :🔥🔥 #ولادة_الامبراطــور🔥🔥
الكاتبة :👑 Fatima Z-F 👑
الفصل 31...
حطات تليفون على ودنها وعنيها كيشوفو هنا و لهيه ممركزاش فمكان واحد و كتمشي و تجي قدام نضراتو الغير مفهومة...
سيف حط لمخدة تحت من يديه متبع ليها عينو من قنت لقنت :علامن كتعيطي....
الماس حطات صبعها على فمها مخرجة فيه عنيها : ششششش....
كان ناعس على كرشو واخد ناموسية كاملة غير وحدو و جسدو الاسمر مع حروفو السوداء المختالفة على خوتو لي زوعر وعطيه رونق خاص بيه بوحدو مع ملامح حرشين ديال مراكشين لقدام....كمش حجبانو بعصبية بتليفون لي كيصوني بدون توقف ..
بكره حط لمخدة فوق راسو يزيد ينعس لكن شكون خلاه و تليفون داير ليه لقوق ...تهز كيسوط معول على خزيت فلي كيصوني عليه فهاد ساعة...هز تليفوة مخنزر و فور ما شاف اسم "سيف دين" طالعة ليه توگد وجاوب تم نيت ....
كريم : الو ....
رد عليه صوت نسوي ضعيف : الو كريم لباس عليك....
خرج عينو بجهد من سمع صوتها ..رجع تليفون امام عينو كيشوف واش غلط فالاسم ..رجع حطو على ودنو بتردد نطق..
كريم: مرت خويا ، ياك لباس؟؟؟...
الماس عاضة شفاه ديالها تحتانية بتوتر ضاهر عليها كتكلم : حمدلله مكاين والو ..غير ما بقيتيش كتبان ليا و وخا سمعتيني جيت كاع مجيتي تشوفني يكما مزال مقلق مني....
كريم عقلو طار ومع عاد فايق من نعاس ما عرف واش فايق ولا كيحلم ..بزربة جاوب: لا حاشة ا مرت خويا مكاينش لي يتقلق منك غير لخدمة شغلاني وصافي...
الماس صغرات عنيها: و زعمة هاد لخدمة حسن مني انا ....
كريم كيدور راسو يمين و شمال بحالي كتشوفو ضاخ: لا نتي فوق كلشي ولكن سيف مزال ما قال لي رجع وراكي عارفة اش درت ...
الماس دورات عنيها لسيف لي هاز فيها حجبانو ..خنزرات فيه : اصلا سيف هو لي عطاني نهضر معاكم غير اجي و جيب معاك لعالية نتجمعو مع بعضنا راكم نتوما لي ناقصين فينا...
كريم دور يدو على شعرو و بين عينو جات نهى بأسف قال: و لكن انا....
قطعاتو الماس: مكاين ما ولكن وقف الخدمة و اجي ولا بغيتي نمشيو نخطبو بلا بيك راه مجاتش....
كريم جمد فبلاصتو دم برد ليه فلعروق ما عرفش كيف خرج ليه لكلام: لخطوبة....على شمن خطوبة كتهضري امرت خويا....
الماس: شنو زعمة نتا ممعولش تزوج وزيد انا و ماماك هضرنا مع عائلة لعروسة و قابلين خاص غير نتا تكون باش نمشيو نخطبو و نديرو لبيض فلكحل....
#تتبع
الجزء الرابع :🔥🔥 #ولادة_الامبراطــور🔥🔥
الكاتبة :👑 Fatima Z-F 👑
