الجزء الرابع :🔥🔥 #ولادة_الامبراطــور🔥🔥
الكاتبة :👑 Fatima Z-F 👑
الفصل91
#تتبع
ضحكو بالفقصة على راسهم وفلحظة كلهم ملامحهم تحاولو لشراسة مكترحمش ونضرات حادة فصوت المطور لي كيتقدم جيهتهم..
بحال الضل وبلا صوت اتار بداو كيتسلتو بين شجر و كيتبعو صوت المطور حتى شافو اشارة بلون احمر فضلام عاد خرجو واحد ورا واحد ودارو على سيف لي حيد لكاسك وتكى على لمطور وهز گارو شعلو وبدا كيشوف بلاك تيم لي قدامو ...
نطق هشام وسط منهم بما انه لايدر هو الوخيد لي عندو الخص يهضر مع البرص مباشرة...
هشام : بوص كلشي واجد كيف أمرتي...
سيف طف لمارو ونطق وسط ضلام يحال شس تعبان كيتربص فبالفريسة دسالو ...
- من هنا ثلات ايام نبغي نشوف جثة مارك قدامي...
كانت الأوامر واضحة وباينة وماعليهم غير ينفدو ..كلهم رجع دمهم كيغلي من كيتفكرو كفاش مارك كان كيلعب عليهم العشرة وتا حد ما شك بيه ....
عنيهم حمرة بحال جمر ما كرهوش يحيدو ليه راس فهاد اللحظة ...
رما سيف شكارة لي جاب معاه لهشام وقال بتحدير ..
-لخطة كاملة تم تبعوها خطوة بخطوة منبغييش خطأ واحد ولا سمياتكم تجبد فتحقيق..قتلوه بطريقة لي علمتكم وخويو من تم وخليو ناس لي تحكم ...
حركو راسهم فأن واحد و سيف ركب المطور وبدون ما يزيد فالهضرة كسيرة وتوجه مباشرة فإتجاه لمطار معول على خزيت و المصائب ودمو كيغلي ونار ديال خيانة مارك مزال كتحرق فيه وعمرها تطفا الا لو خدا حقو بيدو ..
" لقد احترقت الف مرة قبل ان اضهر لك بالجليد الذي تراه امامك الأن " : سيف الدين العاصمي
#بونوي
الجزء الرابع :🔥🔥 #ولادة_الامبراطــور🔥🔥
الكاتبة :👑 Fatima Z-F 👑
الفصل 92
ليوم لكاس فاض و على رد ضربة عول وحسب ليها حساب ديال عامين..عامين وهو كيوجد دقتو غير بالمهل ..ضنو انه غارق بمشاكل مراتو و مكيخرجش من الجزيرة لكن نساو ان البوص ماشي كيفو كيف ناس..
ديما كيرجع خطوة لور ويفكر و يخمم و يعرف لي صالح و لي خايب عاد يتقدم و يواجه و مواجهتو كتكون خايبة وفيها القتيلة....
قلعات طيارتو نحو اخطر مكان لي واقعين فيه مصائب ونايض فيه حروب اهلية ...
"سوريا"
بلد الشام لي تاريخها يشهد انها واحدة من اعظم الدول التي مرت في التاريخ..قوتهم و جبروتهم رغم ان الزمن تكالب عليهم كما تكالب على كل اوطان العرب...
