الجزء الرابع :🔥🔥 #ولادة_الامبراطــور🔥🔥
الكاتبة :👑 Fatima Z-F 👑
الفصل181...
"كازا"..
في مطعم راقي و هادئ جالسة فطاولة خاصة مع شاب امامها كيتكلمو فأمور العمل و المشروع لي قريبة تفتحو بنفسها بعيد عن سلسلة اعمال عائلة العاصمي ..كتفكر دير اسم خاص بيها "العالية"...كتهضر برقة و حاطة يديها امامها وحدة فوق وحدة معندهاش مع لكلام و تشير بيديها ..
واثقة من نفسها ومستاقمة ضهرها وكتشوف فأعين الشخص مباشرة ..لابسة فستان اسود ملتف على جسدها ودايرة حلقات رقاق دهبين مع مكياج خفيف وجامعة شعرها الأشقر على شكل ديل حصان ...
تبسم الشاب لي امامها عاجباه الفكرة ديال المشروع وكذالك عجباه صاحبة المشروع ..بصوت رجولي خشن قال...
- كنسمع ديما بعائلة العاصمي لكن كنعرف غير دراري و بالاخص خوك سيف و مكنتش كنضن ان ولاد لعاصمي عندهم اخت جميلة وذكية بحالك ...
حافضات على ملامحها كما هم بدون ما تبتاسم للمجاملة ديالو ونطقات بصوت رقيق كيدل الرقة ديالها ...
- مسيو تامر نتمنا تكون خدمتي عجباتك اكثر ...
تامر : اكيد اتعجبني لانها جات من شخص مثلك ...
هاد لمرة تبسمات ولكن ابتسماتها موصلاتش لعنيها بل ابتسامة باردة ..
- مسيو تامر ...
قاطعها : عيطي عليا تامر بلا ديك مسيو ...
زيرات على سنانها بجهد ...
- اولا مسيو تامر كنضن علاقتنا بعيدة كل البعد باش نعيط عليك بإسمك الشخصي ..تانيا كـرجل اعمال اول حاجة كيكرها طرف الأخر هو انك تقاطعو وسط كلامو ..كنت سعيدة اني نبدا معاك المشروع بما انك مصري وتقدر تعاوني بالخبرة ديالك لكن للأسف كنضن مشروع مغاديش يكمل معاك ...
هزات صاك ديالها وقفات اتمشي بحالها وهو بسرعة شدها من يديها مبهوض بغا يطلبها ترجع تجلس لكن قبل ما يحل فمو هزات كاس ديال لما رمات لما لي فيه على وجهو ونترات يديها من يدو ببرود ...
- اخر مرة تجرأ تلمسني ...
شاف فيها بعصبية ومرضاش من ناس لي كيشوفو فيه نطق بكره...
- شكون نتي اصلا غير خوك لي داير ليك العز اما بلا بيه كنتي تمسحي ليا صباط رجلي ...
بقات هادئة ماطيحاتش نفسها فالمستوى ديالو ..شخصيتها قريبة لسيف كتخدم بصمت و افعالها صامتة لكن ضربتها كتكون بحال خوها قاصحة وحارة ..
بخطوات بساط وقفات امامو هازة راسها لسما وهزات يديها فكارد كورد ديالها لي دخلو وهما وقفو فمكانهم بعد ما شافو الإشارة ديالها...
كتشوف فيه بين رموشها وهو جا قصير هز راسو باش يقدر يشوف فيها بينما نطقات بصوت هادئ لكن ملامحها كانو باردين تلج ...
